«Qazaqstannyń aldynda turǵan asa mańyzdy mindet – ónerkásiptik áleýetimizdi tolyq paıdalaný. Osy saladaǵy tabystarymyzǵa qaramastan ishki naryqtyń mol múmkindikterin áli de bolsa tolyqqandy júzege asyra almaı kelemiz. О́ńdelgen taýarlardyń úshten ekisine jýyǵy shetelden ákelinedi. Ulttyq ekonomıkanyń strategııalyq qýatyn arttyrý úshin tez arada qaıta óńdeý isiniń jańa salalaryn damytý qajet. Bul qara jáne tústi metallýrgııa, munaı hımııasy. Kólik qurastyrý jáne mashına jasaý, qurylys materıaldary men azyq-túlik óndirý jáne basqa da salalardy qamtıdy.», dedi Prezıdent kezekti Joldaýynda.
Q.Toqaev ónerkásipke qoldaý kórsetý úshin zańnamalyq negizderdi qaıta qarap, birizdilikke keltirý kerektigin, sondaı-aq naqty sharalardy da jetildirý qajettigin atap ótti.
«Sapalyq turǵydan múlde ulttyq ındýstrııany damytý úshin jańǵyrtylǵan zańnamalyq negiz qajet. О́nerkásipti retteý jáne oǵan qoldaý kórsetý máseleleri túrli zańnamalyq aktilerde kórinis tapqan. Biraq ortaq maqsat kórsetilmegen. Júzege asyrylatyn saıasat pen sharalardyń arasynda ózara baılanys joq. Sondaı-aq jekelegen jekelegen sektorlardy nemese salalardy retteıtin kóptegen zań bar. Mysaly, «Elektr energetıkasy týraly» zań, «Kólik týraly» zań, óńdeý ónerkásibin damytýdyń qaǵıdattaryn, maqsattary men mindetterin belgileıtin ónerkásip saıasaty týraly birizdi zań jyl sońyna deıin ázirlenýge tıis. О́nerkásipke qoldaý kórsetýdiń naqty sharalaryn da jetildirý kerek. Bizde júıeli jáne birtutas ustanym joq. Sonyń saldarynan sansyz kóp jobaǵa qarajatty ysyrap etip otyrmyz», dedi Memleket basshysy.
