"Kvazımemlekettik sektorlarda ákimshilik basqarý jumysymen aınalysatyn qyzmetkerlerdiń sanyn, paıdasyz shyǵyndardy jáne basa artyq elshiles kompanııalardy qysqartý jumystary jalǵasyn tabýǵa tıis", deıdi Memleket basshysy.
Sondaı-aq, "Báıterek" jáne "QazAgro" holdıngteriniń rólderine toqtalyp ótken Prezıdent, bul kompanııalar ındýstrııalandyrý jáne agroónerkásiptik keshendi damytý isine eleýli úles qosatyn, bir-birimen baılanyssyz bolǵan qarjy ınstıtýttarynyń retke keltirgenin aıtty.
"Qazir biz búgin múlde jańa jaǵdaıda turmyz. Instıtýsıonaldyq qurylymdy ózgertý ýaqyt alady. Sondyqtan osy eki uıymdy biriktirip, qarjylyq múmkindikteri anaǵurlym zor damý ınstıtýtyn qurǵan jón. Bul rette portfeldik kompanııalardyń sany eki esege azaıyp, shtat sany 50 paıyzǵa qysqarýǵa tıis", deıdi Q.Toqaev.
