"Lotto Soudal" klýby sapynda óner kórsetetin jasyl qurlyqtyń ókili 198 shaqyrymdy quraǵan qashyqtyqty 5 saǵat 17 mınýt jáne 42 sekýndta júrip ótti. Ekinshi jáne úshinshi oryndardy ırlandııalyq Sem Bennett ("Deceuninck - Quick Step") men ıtalııalyq Djakomo Nıssolo ("NTT Pro Cycling") ıelendi.
"Astana" komandasy músheleri arasynda kanadalyq Ýgo Ýle eń úzdik nátıjege qol jetkizdi. Ol 16 oryndy ıelendi. Qazaqstandyq veloshabandoz Alekseı Lýsenko 17 orynǵa taban tiredi. Osy kórsetkishiniń arqasynda otandasymyz óziniń jalpy eseptegi jaǵdaıyn edáýir jaqsartty. Birden 10 satyǵa joǵarylaǵan ol qazirgi kezde 13 oryndy enshileýde. Lýsenko kósh basyndaǵy fransııalyq Jıýlıan Alafılıpten nebary 17 sekýnd qalyp keledi.
