Pavlodar oblystyq TJD baspasóz qyzmetiniń málimetinshe, er adamnyń sýǵa ketkeni týraly habarlama 31 tamyz kúni saǵat 15:15-te habarlama kelip tústken.
Kýágerlerdiń aıtýynsha, ol 1981 jyly dúnıege kelgen. Sóıtip er adam Q.Sátbaev atyndaǵy kanalda sýǵa batyp ketken.
– Sýǵa shomylý kezeńinde oblys aýmaǵynda 15 adam sýǵa ketti, olardyń úsheýi – jasóspirim balalar. Karantındik shekteýlerdiń álsireýine jáne týrıstik maýsymnyń ashylýyna baılanysty Baıanaýyl aýdanynda Jasybaı týrıstik aımaǵynyń aýmaǵyna órt sóndirý jáne avarııalyq – qutqarý jumystary qyzmeti jedel-qutqarý jasaǵynyń 6 qutqarýshysy issaparǵa jiberildi. Úrlemeli qaıyq, alpınıstik jáne súńgýirlik qural-jabdyqtarmen qarýlanǵan qutqarýshylar 15-31 tamyz aralyǵynda týrıstik aımaqta kezekshilik etti. Olar kún saıyn qoǵamdyq qutqarýshylarmen birge Jasybaı kólinde reıdtik is-sharalar ótkizdi, – deıdi departament ókilderi.
Pavlodar oblysynyń Tótenshe jaǵdaılar departamenti óńir turǵyndary men qonaqtaryna shomylý maýsymy birinshi qyrkúıekte aıaqtalatynyn eske salady.
– QR Ákimshilik quqyq buzýshylyqtar týraly Kodeksiniń 364-babyn buzǵany úshin, ıaǵnı, jabdyqtalmaǵan jáne tyıym salynǵan jerlerde shomylǵan 323 adam jaýapkershilikke tartyldy. Qoǵamdyq oryndarda alkogoldik ishimdik ishkeni úshin qyryq toǵyz adamǵa aıyppul salyndy, – dedi polısııa basshylyǵy.
