О́tkizý pýnktinde keptelisti boldyrmas úshin aldyn-ala tólem júıesi engizilgen. Jeńil avtokólikter úshin arnaıy dıfferensıaldy tarıf te bar. Iаǵnı, aldyn-ala tólem jasaǵan avtokólikterdiń tólemaqysy eki ese arzan. Sondaı-aq, aqyly avtojoldyń mańaıyndaǵy eldi mekenderde tirkelgen avtokólikterge quny 1000 teńgeni quraıtyn 1 jyldyq abonement qarastyrylǵan.
"2019 jyldyń qorytyndysy boıynsha tórt aqyly ýchaskeden jınalǵan qarajat 5 389 mln teńgeni qurady. Onyń ishinde: "Nur-Sultan-Temirtaý" - 1 729 mln teńge, "Nur-Sultan-Shýchınsk" - 1 700 mln teńge, "Almaty-Qorǵas" - 988 mln teńge jáne "Almaty-Qapshaǵaı" 972 mln teńge. Sondaı-aq, bir jyl ishinde (2019 jyly) barlyq aqyly ýchaske boıynsha 10,5 mln avtokólik júrip ótken, – delingen habarlamada.
"Avtomobıl joldary týraly" Zańyna sáıkes:
Jalpyǵa ortaq paıdalanylatyn halyqaralyq jáne respýblıkalyq mańyzy bar aqyly avtomobıl joldarymen (jol ýchaskelerimen) júrip ótý úshin aqy alýdan túsken aqsha mynalarǵa:
1) aqyly avtomobıl joldaryn (jol ýchaskelerin) jóndeýge jáne kútip-ustaýǵa, júrip ótý úshin aqy alýdyń baǵdarlamalyq-apparattyq keshenin kútip-ustaýǵa;
2) júrip ótý úshin aqy alýdyń baǵdarlamalyq-apparattyq keshenin engizý jáne ornatý maqsaty úshin tartylǵan ınvestısııalardy qaıtarýǵa;
3) avtomobıl joldarynda (jol ýchaskelerinde) aqyly qozǵalysty uıymdastyrýǵa;
4) aqyly avtomobıl joldaryn (jol ýchaskelerin) kútip-ustaý úshin jol-paıdalaný tehnıkasyn satyp alýǵa jáne oǵan qyzmet kórsetýge baılanysty shyǵystardy qarjylandyrýǵa baǵyttalady.
Osylaısha, jınalǵan 5 389 mln teńge jáne 77,8 mlń teńge kólemindegi qosymsha tabys tómendeglerge jumsaldy:
- 2 690,1 mln teńge avtojoldy kútip-ustaý jáne jóndeýge;
- 1 401,3 mln teńge baǵdarlamalyq-apparattyq keshendi kútip-ustaýǵa;
- 594,6 mln teńge qosymsha qun salyǵy men korporatıvtik tabys salyǵyna;
- 14,2 mln teńge qosymsha shyǵyndarǵa;
- 543,4 mln teńge jol-paıdalaný tehnıkasy men tólem qabyldaý pýnktine qajetti jabdyqtarǵa;
- shyǵynnan artylǵan 223,2 mln teńge kólemindegi qarajat respýblıkalyq bıýdjetke aýdaryldy.
2019 jyly baǵdarlamalyq-apparattyq keshendi jóndeý jáne kútip-ustaý, sondaı-aq, "Nur-Sultan-Shýchınsk" aqyly avtojolyn jóndeý jáne kútip-ustaý boıynsha jumystardy "Aqyly avtomobıl joldary Dıreksııasy" fılıaly júrgizdi. Al, "Nur-Sultan-Temirtaý", "Almaty-Qapshaǵaı" jáne "Almaty-Qorǵas" ýchaskesindegi jumystardy "Qazaqavtojol" JShS merdiger uıymy júzege asyrǵan.
