1 tamyzda Taldyqorǵan qalasy PB Shyǵys bólimshesine oblys ortalyǵynyń 48 jastaǵy turǵyny habyrlasyp, 18 shilde kúni 15 jastaǵy ulynyń úıinen belgisiz baǵytta ketip, qaıta oralmaǵanyna aryzdanǵan. Qabyldanǵan sharalardyń nátıjesinde 27 tamyz kúni tártip saqshylary izdeý jarııalanǵan jasóspirimdi taýyp, anasyna tabystady.
Ata-anasynyń tarapynan syn aıtylǵan soń, olarǵa óz táýelsizdigin dáleldeý maqsatynda jetkinshektiń úıden ketkeni belgili boldy. Taldyqorǵan qalasy polıseıleriniń kúsh-jigeriniń arqasynda joǵalǵan balanyń mekenjaıy anyqtaldy. Jasóspirimniń anasy ulyn aman-esen taýyp bergen polısııa qyzmetkerlerine shyn júrekten alǵys aıtty.
Jasóspirimniń aıtýynsha, osy ýaqyt ishinde ol jaldamaly páterlerde jáne dostary men tanystarynyń úıinde turyp, kezdeısoq tabys tabýmen ómir súrgen. Osyǵan oraı kámeletke tolmaǵan bala qańǵybastyqqa beıim adam retinde esepke alyndy, al anasyna tıisti eskertý jasaý týraly sheshim shyǵaryldy.
