Osy kezge deıin aýylda mektep bolmaǵandyqtan mektep jasyndaǵy oqýshylar qala mektepterine avtobýspen qatynaıtyn. О́ńir basshysy mektep ishin aralap, kezekshilik rejımde bilim alýdy bastaǵan 1-klass oqýshylaryna sáttilik tiledi.
Jańa mekteptiń qurylys sapasyn baqylap, ashylý saltanatyna arnaıy kelgen oqýshylar men olardyń ata-analarymen júzdesti. Oqý ǵımaratynda 26 oqý synyby, ınformatıka kabıneti, sheberhana, sportzal, ashana, kitaphana, medısınalyq kabıneti bar. Avtonomdy jylý qazandyǵy ári tabıǵı gazben de jylytylady.
"Memleket basshysy Qasym-Jomart Toqaevtyń Qazaqstan halqyna Joldaýynda mektepterdegi bilim sapasyn kóterýdi ashyp kórsetti. О́sip kele jatqan balalarymyzǵa sapaly bilim, sanaly tárbıe berý úshin eń aldymen olardyń jaǵdaıyn jasaýymyz qajet. Eńseli de zaman talabyna saı boı kótergen osy №74-shi mektepte talaı elge qyzmet eter azamattar tárbıelenedi dep senemin", - dedi óńir basshysy.
Bul mekteptiń qurylysy 2019 jyldyń tamyz aıynda bastalǵan edi. Aqtóbe oblysynda jańa oqý jyly qarsańynda 3 mektep paıdalanýǵa berilse, jyl sońyna deıin taǵy da 9 mektep qurylysy aıaqtalady dep josparlanǵan.
BAIаNDY SÁRSENBINA,
"Egemen Qazaqstan"
