Karantındik shekteýlerge baılanysty atalǵan is-sharaǵa tek birinshi synyp oqýshylary men mektep bitirýshi túlekter ǵana qatysty. Sonymen qatar, ákim elimiz táýelsizdik alǵan kúnnen bastap jastardyń sapaly bilimi men sanaly tárbıesine úlken kóńil bólinip otyrǵanyn, jyl saıyn bilim kúni qarsańynda jańa mektepter ashylýda ekenin atap ótti. Al, ata-analar men muǵalimder jańa tehnologııamen jabdyqtalǵan mektepke kóńili tolyp, óz rızashylyqtaryn bildirdi. Bilim oshaǵy zamanaýı robototehnıka kabınetimen, lıngafon jáne mýltımedııa bólmeleri, keń akt jáne sport zaldarymen, kitaphana, ashana, tigin jáne aǵash sheberhanalarymen qamtylǵan. Mektep eki aýysymda 600 oqýshyǵa bilim berýge arnalǵan. Balalardyń qaýipsizdigi úshin 20 beınebaqylaý kamerasy ornatylǵan.
Berdibek Saparbaev jańa mektepte joǵary synyp oqýshylaryna arnap alǵashqy sabaq ótkizdi. Oǵan onlaın-rejımde Jambyl aýdanynyń taǵy da birneshe mektebi qosyldy. Ákim sabaq barysynda qoǵamdaǵy beıbitshilik pen kelisimdi nyǵaıtýdaǵy jas urpaqtyń rólin, balalardy ulttyq dástúr negizinde tárbıeleýdiń mańyzdylyǵyn basa aıtty. "Dostyq pen ózara túsinistik – bizdiń basty baılyǵymyz. Birlesken kúsh-jigerimizdiń arqasynda ǵana biz osy jyldar ishinde bar jıǵanymyz ben jetken jetistikterimizdi saqtaı alamyz. Bul oraıda jas urpaqqa úlken jaýapkershilik júktelgen. Birlik – turaqtylyqtyń negizi. Beıbitshilik pen kelisim saltanat qurǵan memleket qana damıdy", dedi ol. Ol úshin balalardyń boıynda erte jastan Otanǵa degen súıispenshilikti qalyptastyryp, ata-babamyzdyń baı tarıhy men mádenı murasy týraly únemi áńgimelep otyrý kerektigin de jetkizdi. Sabaq barysynda oqýshylar ákimge qashyqtyqtan oqytýdaǵy túrli máselelerge qatysty saýaldar joldap, jaýap aldy.
Berdibek Saparbaev óz sózinde 23 myńnan astam jambyldyq oqýshy oqýlaryn dástúrli formatta jalǵastyratyn atap ótti. Memleket basshysynyń Qazaqstan halqyna Joldaýynda aıtylǵan tapsyrmalardy júzege asyrý aıasynda da mektepterdi kúndizgi oqytýǵa qaıtarý boıynsha jumystar júrgizilýde ekenin atap ótti. Sonymen qatar, balalar ákimnen qazir qandaı mamandyqtar suranysqa ıe ekenin surady. О́z jaýabynda ákim búginde óńirde qurylysshylar, IT jáne aýylsharýashylyǵy mamandary jetispeıtinin, sondaı-aq, ara, balyq sharýashylyǵyn jáne jemis-jıdek klasterin damytatyn mamandar qajettigin de aıtty.
Jambyl oblysy
