Ásirese, álemdi ábigerge salǵan pandemııa kezinde Qazaq eliniń alǵan baǵyty men ustanǵan jolynan jańylmaýy úshin aýyz toltyryp aıtýǵa bolatyn aýqymdy usynystar jasalyp, tıisti tapsyrmalar berildi. Osylaısha, atalǵan Joldaýda mańyzdy strategııalyq, áleýmettik, quqyqtyq salalarǵa basa nazar aýdaryldy. Qoǵamdyq qatynastardyń barlyq salasynda oryn alyp jatqan ózekti máseleler kóterildi jáne ony sheshý joldary aıqyndaldy. Bul qadamnyń barlyǵy eń aldymen ulttyq qaýipsizdikti qamtamasyz etý maqsatynda jasalyp otyrǵanyn da jaqsy túsinemiz.
Sonymen qatar árbir árekette ádildik, adaldyq, teńdik qaǵıdalaryn ustaný da asa mańyzdy ekenin uǵyndyq. Memlekettik kiristerdi bólýde de osy ustanymnan jańylmaǵanymyz jón. Jańa áleýmettik kodekstiń de otandastarymyz úshin mańyzy artady dep senemin. Bul rette, memlekettiń qoǵammen, azamattyq baqylaýmen ózara árekettesý máselesi de el Prezıdentiniń erekshe nazarynda ekenin aıtý mańyzdy bolyp otyr. Sebebi, qoǵam – memlekettik organdardyń qyzmetin baǵalaý, josparlaý jáne oryndaý kezinde senimdi seriktes ispetti.
Zańger retinde men úshin aýqymdy quqyqtyq blok mańyzdy boldy. Zań ústemdigin myqtap ornatý qajet. Adamdardyń konstıtýsııalyq quqyǵy barlyq salalarda qorǵalýǵa tıis. Sonyń ishinde polısııa, prokýratýra, sot jáne ózge de memlekettik organdar bar. Men osyny qoldaımyn. Azamattardy aıyptaýshylyq baǵyttan alshaqtap, otandastarymyzǵa servıstik qyzmet kórsetýge umtylǵanymyz jón bolar edi. Ol úshin kadr tańdaý máselesinde árdaıym ashyqtyq bolýǵa tıis. Qaı salada bolsyn, qoǵamdyq baqylaýdy qamtamasyz ete bilýimiz kerek.
Marat BÁShIMOV,
Eýropalyq quqyq jáne adam quqyqtary ınstıtýtynyń dırektory
