Birinshiden memlekettik qyzmettegi ózgerister týraly aıtqany kóńilge qonymdy. Rasynda pandemııa kezinde kóptegen mekeme qyzmetkerleri qashyqtan jumys istedi. О́nimdi jumys istedi. Sonyń ózinde jumystary turalap qalǵan joq. Jergilikti jerlerdegi bılik ókilderi joǵarǵy jaqqa jaltaqtamaı ózdiginen jaýapty ári durys sheshim qabyldap jatqanyn kórdik. Iаǵnı, Prezıdent aıtqandaı, memlekettik qyzmette ońtaılandyrý kerektigin karantın ýaqyty dáleldedi. Bul sheshim mınımaldy jalaqyǵa jaýapty jumys atqaryp júrgen qyzmetkerler úshin tıimdi bolmaq. Álbette, talapty kúsheıtip, qyzmet sapasyn arttyra túsý kerek. Onyń ústine memlekettik qyzmettiń statýsy kóterilip, sybaılas jemqorlyqqa tusaý bolady.
Taǵy bir nazar aýdarǵym kelgen másele, «Halyq únine qulaq asatyn memleket» qurýdy qolǵa alǵany. Máselen, máslıhattyń mańyzy qandaı? Shyntýaıtyna kelgende, máslıhat jumysy zań júzinde bolǵanymen mańyzdy máselelerdi sheshe bermeıdi. Endi Joldaýdan keıin jergilikti basqarý júıesi jumys isteı bastaıtyn shyǵar.
Prezıdent Joldaýynda densaýlyq saqtaý salasyn da nazarynan tys qaldyrmady. О́zim alpystan asyp bara jatqan soń bul máseleni de den qoıyp tyńdadym. Dárigerler bir aýrýyńdy emdese, bireýin qozǵap alyp jatatyny jasyryn emes. Endi Prezıdent atap kórsetkendeı, zeınetaqy qoryndaǵy qarjyny emge jumsap jatsaq quba-qup bolar edi. Ult densaýlyǵyn saqtaý úshin bul úlken múmkindik. Sol sııaqty zeınetaqy qoryna jınalǵan aqshany úı alýǵa da paıdalanyp jatsa, kóptegen otbasy baspana máselesin shesher edi. Ásirese jas otbasylarǵa tıimdi bolmaq.
Joldaýda kóterilgen birqatar bastamanyń biri – shaǵyn jáne orta bıznestiń jaǵdaıyn jaqsartý. О́zderińiz bilesizder, Shyǵysta taý-ken ónerkásibi damyǵan. Biraq álde de damı túsý kerek. Bylaısha aıtqanda, temirdi balqytyp eksporttaı bermeı, óńdep ónimin satsaq, memlekettiń ekonomıkasyna anaǵurlym paıdasyn tıgizer edi.
Qoryta kelgende Prezıdentimiz daǵdarys jaǵdaıynda atqarylatyn is-sharalardyń josparyn egjeı-tegjeıli baıandady. Júzege asýy ár qazaqstandyqqa tikeleı baılanysty.
Oleg ChERNYShOV,
«Taldaý jáne boljaý ınstıtýty» JShS dırektory
О́SKEMEN
