Altynshy shaqyrylǵan Parlamenttiń VI sessııasy ashyldy

Jańa sessııa resmı ashyl­ǵannan keıin elimizdiń Ánurany oryndaldy.

Parlamenttik sessııany ash­qan Memleket basshysy Qasym-Jomart Toqaev Qazaqstan hal­qyna «Jańa jaǵdaıdaǵy Qazaq­stan: is-qımyl kezeńi» atty Jol­daýyn jarııalap, elimizdi odan ári damytý strategııasymen tanys­tyrdy.

Memleket basshysy Joldaýda memlekettik basqarýdyń tıim­di­ligin arttyrý, jańa zaman talap­taryna sáıkes ekonomıkalyq damý, ónerkásip áleýetin kúsheıtý, aýyl sharýashylyǵy salasyn, kólik-logıstıka keshenin, shaǵyn já­ne orta bıznesti, qarjy sek­toryn, óńirlik damý jáne qazaq­stan­dyqtardyń áleýmettik jaǵ­daıyn arttyrý sekildi birqatar bastama kóterdi.

Sondaı-aq Prezıdent bilimniń qoljetimdi ári sapaly bolýyn qamtamasyz etýdiń mańyzdylyǵy men densaýlyq saqtaý salasyn da­mytý jaıynda aıta kelip, otba­sy­lyq-demografııalyq jaǵ­da­ıy­na jáne balalardyń quqyǵy men qaýipsizdigine alańdaýshylyq bildirdi.

Memleket basshysynyń piki­rin­she, zań ústemdigi men azamat­tar­dyń qaýipsizdigin qamtamasyz etpe­ıinshe áleýmettik-ekonomı­kalyq damýdyń birde-bir aspek­tisin tabysty júzege asyrý múmkin emes. Aldymyzda memlekettiń aza­mattarǵa qyzmet etýiniń jańa stan­darttaryn ázirleý boıynsha aýqymdy jumys bar. Bul iste mańyzdy ról atqaratyn quqyq qorǵaý organdary men sot júıesin úlken reformalar kútip tur.

Joldaýda ulttyq báseke­lestikke qol jetkizýde sıfrlandyrý isi barlyq reformalardyń negiz­gi tetigi men basty quralyna aına­latyny aıtylǵan. Bul tur­ǵyda saıası reformalar mem­le­ketti basqarýǵa azamattardy kóp­tep tartýǵa baǵyttalýy kerek. Jań­ǵyrtýdyń negizgi maqsaty – tutas memlekettiń tıimdiligin art­tyrý.

– Búgin men búkil qoǵam aldynda daǵdarys jaǵdaıynda atqarylatyn is-sharalardyń jos­paryn baıandadym. Onyń jemisti júzege asýy árqaısysymyzǵa baılanysty. Barshamyz óz-ózimizdi damytýǵa kúsh salýymyz kerek. Zamana synaǵy bizden úzdiksiz qozǵalysty, myqty kúsh-jigerdi jáne tabandy eńbekti talap etip otyr. Sondyqtan elimizdiń baqytty ári jarqyn keleshegi ár azamattyń qajyrly qyzmetine baılanysty bolmaq. Ár býynnyń mańdaıyna túrli synaq jazylǵan. Biz tól tarıhymyzda taǵdyrdyń túrli synynan árdaıym súrinbeı óttik. Elimiz eń kúrdeli degen min­detterdi sheshe alady. Biz buǵan daıynbyz, – dedi Memleket basshysy Qasym-Jomart Toqaev.

Alqaly jıyn sońynda Má­jilis Tóraǵasy Nurlan Nyǵ­ma­týlın depýtattardyń atynan Memleket basshysyna Parlament sessııasyn ashqany jáne negizgi mindetterdi aıqyndap bergeni úshin alǵys aıtty.