Qoǵam • 02 Qyrkúıek, 2020

Otanǵa adal bolýǵa ant berdi

532 ret

kórsetildi

1 mın

oqý úshin

30 tamyz merzimdi qyzmettegi áskerı qyzmetshiler úshin mańyzdy kún. Qazaqstan Respýblıkasy Konstıtýsııasynyń 25 jyldyǵynda olar Otanǵa adal bolýǵa ant berdi.

Egemen Qazaqstan

Elimizdegi Qarýly Kúshterdiń barlyq áskerı bólimderinde áskerı ant berý rásimderi ótti. 5800-den astam merzimdi áskerı qyzmetshi Otanǵa adal bolýǵa ant berdi.

Karantındik sharalar jaǵdaıynda ant berý rásimderi áskerge shaqyrylýshylardyń týystarynyń qatysýynsyz uıymdastyrylǵan. Olarǵa rásimge onlaın rejiminde qatysý múmkindigi berildi.

Elimizdiń ár óńirinen kelgen jastar eksaýmaqtyq prınsıp boıynsha bólingen. Jas tolymdar Qurlyq áskerleriniń, Áýe qorǵanysy kúshteri men Áskerı-teńiz kúshteriniń áskerı bólimderinde qyzmet ótkeretin bolady.

Áskerı ant qabyldar aldynda jas jaýyngerdiń kýrsy boldy. Bir aı boıy áskerge shaqyrylýshylar jalpyáskerı jarǵylardy zerdelep, saptyq, atys jáne dene daıyndyǵyn meńgerdi.

Naǵyz shydamdylyq, erik-jiger, kúrdeli sheshimder qabyldaý qabileti – búgingi ant qabyldaǵan jas sarbazdarǵa tán qasıet bolýy kerek. Ásker – erlik mektebi jáne ol ant berýden bastalady.