О́rttiń qaýipti kezeńinen basynan bastap elimizde 591 orman (2019j. – 539) jáne 104 dala (2019j. – 49) órtteri tirkeldi, dala alqaptarynda 3 142 janý (2019j. – 4 481) oryn aldy. Janý alańy 244 myńnan gektardy (2019 jyly – 145 myń ga) qurady.
2020 jylǵy 21-28 tamyz aralyǵynda Qazaqstan aýmaǵynda 208 orman-dala órti men janý tirkeldi. Sonymen qatar, órt qaýipti kezeńniń basynan bastap el aýmaǵynda aýyl sharýashylyǵy óndirýshileriniń egis alqaptarynda 15 órt (2019 j. – 26) oryn aldy, onyń barysynda shamamen 148 gektar egis alqaby joıyldy.
IIM TJ komıteti azamattardy dala jáne orman alqaptarynda bolǵan kezde qaýipsizdik erejelerin saqtaýǵa shaqyrady. Tabıǵı órtterdiń týyndaýynyń negizgi sebepteri halyqtyń otty abaısyz paıdalanýy, sóndirilmegen temeki, alaý, janyp jatqan sirińke, atýdan keıingi tyǵynnyń byqsýy, maıly nemese tozyǵy jetken shúberek, shyny bótelke, kún sáýlesiniń synýy, kólik quralynyń sóndirgishinen ushqyn, qurǵaq eski shópti jaǵý, naızaǵaıdyń oınaýy.
Tabıǵı órtterdiń oryn alý qaýpin boldyrmaý jáne azaıtý maqsatynda ortalyq jáne jergilikti atqarýshy organdar aldyn alý sharalarynyń keshenin júrgizedi.
Azamattyq qorǵaý organdarynyń ınspektorlary orman alqaptarynda turatyn aýyl sharýashylyǵy óndirýshilerimen, sharýa qojalyqtarymen jáne turǵyndarmen 21 myńnan astam nusqaýlyq pen jıyn, 563 dóńgelek ústel ótkizdi.
Azamattyq qorǵaý organdarynyń ınspektorlary polısııa qyzmetkerlerimen birlesip orman-dala alqaptarynda jáne demalys oryndarynda 7 230 birlesken reıd ótkizdi. Nátıjesinde ruqsatsyz órtegeni, aýyl sharýashylyǵy alqaptarynda baqylaýsyz qurǵaq shóp, sabandy órtegeni jáne basqa da órt qaýipsizdigi qaǵıdalaryn buzǵany úshin 929 azamat ákimshilik jaýapkershilikke tartyldy.
3 188 eldi mekende qurǵaq ósimdikterden jáne janǵysh qoqystan tazartý boıynsha jumystar júrgizildi, 17 897 shaqyrym mıneraldandyrylǵan jolaq jasaldy.
Orman mekemeleri men jergilikti atqarýshy organdarmen 18 órt-taktıkalyq sabaq ótkizildi. Ormandar men dalalardyń janý oshaqtaryn ýaqtyly anyqtaý maqsatynda avıasııalyq patrýldeý júzege asyrylady.
