Altynshy sessııanyń alǵashqy jalpy otyrysynda Májilis tóraǵasy Nurlan Nyǵmatýlın eks-depýtattarǵa Alǵys hat tabystady.
"Qurmetti Aızada Amangeldiqyzy! Sizge barlyq áriptester atynan alǵys aıtamyz. Biz birneshe jyl birge jumys istep, kóptegen zańdar qabyldadyq. Qazirgi ýaqytta siz Pavlodar oblysy ákiminiń orynbasary retinde jumysty bastap kettińiz. Sondyqtan osy jańa jumysyńyzǵa zor tabys pen sáttilik tileımiz", - dedi Májilis tóraǵasy.
Aıta keteıik, Pavlodar oblysy ákiminiń orynbasary qyzmetine taǵaıyndalǵan Aızada Qurmanova áleýmettik bloktyń jumysyn qadaǵalaıtyn bolady. Zań ǵylymdarynyń doktory, professor Nurlan Dýlatbekov E. A. Bóketov atyndaǵy Qaraǵandy ýnıversıtetine rektor bolyp taǵaıyndaldy. Al Nurlan Ábdirov QR Parlamenti Senaty tóraǵasynyń orynbasary bolyp saılandy.
