Ekibastuz qalasy Lomonosov kóshesinde ornalasqan bes qabatty úıdiń besinshi qabatyndaǵy bir bólmeli páterdegi órt týraly habarlama Tótenshe jaǵdaı deparatmenti kezekshisiniń pýltine saǵat 20:23-te kelip túsken.
О́rt ornyna Túsipov Dıdar men Býtenev Rýslan bastaǵan №2 mamandandyrylǵan órt sóndirý bóliminiń jáne №6 órt sóndirý bóliminiń qaraýyl bólimsheleri jedel kelip jetti.
О́rt sóndirýshiler kelgenge deıin órt shyqqan podezden aralarynda balalar bar turǵyndar shyǵyp úlgeredi. О́rt sóndirýshiler páterlerden taǵy da 10 adamdy alyp shyqqan.
Janý núktesi oryn alǵan páterdiń esigi jabyq ekenin anyqtaldy. №2 bólimshe komandıri Bekov Janat pen órt sóndirýshi-qutqarýshy Muqajanov Naýryz arnaıy quraldyń kómegimen temir esikti ashyp, eki adamdy syrtqa shyǵaryp, jedel járdem brıgadasyna tabystaıdy.
О́rt sóndirýshilerdiń jedel is-qımyldary barysynda órt sóndirildi.
Sonymen birge, Pavlodar-Nur-Sultan avtomobıl jolynda Mitsubishi Pajero Sport avtokóligi tolyǵymen janyp ketken órt oqıaǵsy tirkeldi.
Oqıǵa ornyna kelgen órt sóndirýshiler syıymdylyǵy bes lıtr eki gaz ballonyn jáne syıymdylyǵy 20 lıtr dızeldi otyny bar bir kanıstrdi evakýasııalady. О́rt elektr symdarynyń qysqa tuıyqtalýynan shyqqan.
О́ńirlik Tótenshe jaǵdaılar departamenti oblys turǵyndary men qonaqtaryna oblys aýmaǵynda órttiń aldyn alýǵa baǵyttalǵan aılyq ótip jatqanyn eske salady jáne órt qaýipsizdigi erejelerin saqtaýdy suraıdy.
Pavlodar oblysy
Sýretti túsirgen: Erbol Temir
