"Qala basshylyǵynyń tapsyrmasyna sáıkes, Almatyda biraz aýqymdy jumystar atqaryldy. Onyń ishindegi negizgisi – qys mezgiline daıyndyq. Jylý maýsymyna daıyndyq aıasynda qazirgi tańda jóndeý, qurylys, jańartý jumystary júrgizildi. Qaladaǵy energokeshenniń daıyndyǵy – 88%, jylý jelileriniń daıyndyǵy – 85%. Jelilerdi qysqa daıyndaý barysynda biz ol jelilerdi aldymen synap kóremiz. Osy tekseris barysynda maýsym aıynan bastap 353 aqaý tabyldy. Onyń bári qaıta qalpyna keltirildi. Al, tamyz-qyrkúıek aılarynyń qosymsha synaý jumystary barysynda 270 aqaý tabylyp, onyń 260-y qaıta qalpyna keltirildi", - dedi ol.
Basqarma basshysynyń aıtýynsha, qaladaǵy gaz, sý,elektr jelileriniń daıyndyǵy oıdaǵydaı.
"Gaz jelileri 100%-ǵa, elektr jelileri – 82%-ǵa, sý berý jelileri – 99%-ǵa, káris júıesi – 94%-ǵa daıyn. Sonymen qatar, qalamyzdaǵy eki qazandyq - "Almaty elektr stansııalary" AQ - 72%-ǵa, "Almaty. Teplokommýn energo" AQ boıynsha daıyndyq kólemi 76%-ǵa daıyn tur. Al, qala boıynsha 444 bilim basqarmasy mekemesi bar, olardyń qys merzimine daıyndyq kólemi 97%, sondaı-aq, densaýlyq saqtaý salasyndaǵy mekemeler sany 135, bulardyń daıyndyǵy 82%. Kópqabatty úılerdiń daıyndyǵy 92%. Bul búgingi qyrkúıektiń basyndaǵy bekitilgen faktiler", - dedi Masabaev.
