«Elordanyń kelbetin qalyptastyrýda, turǵyndardyń ýaqytyn jaıly ótkizýde aýlalardyń, tynymbaqtar men gúlzarlar mańyzdy ról atqarady. Karantındik sharalar engizilgennen keıin abattandyrylǵan qoǵamdyq keńistikterge suranys arta tústi. Qala turǵyndary taza aýada serýendeýdi baǵalaı bastady.
О́tken jyly biz birinshi kezekte abattandyrýdy qajet etetin aýlalardyń tizimin jasadyq. Olardyń qataryna qaraýsyz qalǵan ýchaskeler, batpaq jáne bos qalǵan jerler engizildi. Basymdyq oń jaǵalaýǵa jasaldy. Sondaı-aq, apatty úıler súrilgen jerlerde, qurylys jumystary qarqyndy júrip jatqan jerlerde shaǵyn parkter paıda boldy.
Abattandyrý boıynsha aýqymdy jumystarǵa bıylǵy kóktemnen bastap kiristik. Osylaısha, bıyl Baıqońyr aýdanynda 50 aýla, Saryarqada – 40, Almatyda – 33, Esil aýdanynda 20 aýla abattandyryldy. Sonymen birge 50 qoǵamdyq keńistikti abattandyramyz. Mysaly, osy jazda kópir astyndaǵy demalys orny alǵash ret abattandyryldy (Saraıshyq kóshesi, Arqar kópiri). Jańa keńistik Trıatlon parki men Prezıdent saıabaǵyn biriktiredi.
Kógaldandyrýǵa erekshe nazar aýdaramyz. Sebebi ár otyrǵyzylǵan aǵash birneshe jyldan soń ekologııaǵa jaǵymdy áserin tıgizip, adamdardyń ýaqytta tıimdi ótkizýine septigin tıgizeri sózsiz. Qazir kelesi jyly abattandyrylatyn aýlalar men qoǵamdyq keńistikterdiń tizimin daıyndap jatyrmyz», – dep jazdy Altaı Kólginov.
