«Soıýz TMA-18M» basqarylatyn ǵaryshtyq kemesi Baıqońyr ǵarysh aılaǵynan elorda ýaqytymen saǵat 22:37 mınýt ótkende attandy. Halyqaralyq ekıpaj quramynda reseılik ǵaryshker, №1 bortınjeneri Sergeı Volkov, Danııa Koroldiginiń astronavty Andreas Mogensen jáne №2 bortınjeneri Qazǵarysh ǵaryshkeri Aıdyn Aıymbetov boldy.
Qazaqstandyq ǵaryshkerdiń mártebesi Qazǵarysh usynysynyń arqasynda ózgertkendiligin aıta ketken jón. Sebebi aldymen Aıymbetov ashyq keńistikke qatysýshy retinde ushady dep josparlanǵan edi, alaıda ushatyn ýaqyt taıaǵanda onyń mártebesi biliktiligine sáıkes, «bortınjener-2» dep ózgertildi.
10 kúnge sozylǵan saparda Aıdyn Aıymbetov ǵaryshtaǵy 5-shi ulttyq ǵylymı zertteý baǵdarlamasyn oryndady. Alǵashqy 4 baǵdarlama 1991 jyly Toqtar Áýbákirovtyń jáne 1994, 1998, 2001 jyldary Talǵat Musabaevtyń ǵaryshtyq saparlarynda atqarylǵan edi.
Jalpy ǵaryshtyq zertteý baǵdarlamasy 10 ǵylymı tapsyrmadan qurylǵan, onyń ishinde Aral jáne Kaspıı teńizderiniń ekologııalyq jaǵdaıyna monıtorıng júrgizý jáne «Dastarhan-6» dep atalǵan ulttyq taǵam ónimderiniń ǵaryshtaǵy paıdaly qasıetterin zertteý boldy.
Qazirgi ýaqytta QR ushqysh-ǵaryshkeri, QR Halyq Qaharmany Aıdyn Aıymbetov «Qazaqstan Ǵarysh Sapary» UK» AQ vıse-prezıdenti.
