«Qazaqstanda 2020 jylǵy jeti aı aralyǵynda jalpy somasy 1,2 mln teńge quraıtyn 381 jalǵan banknotasy anyqtaldy. Sonymen qatar atalǵan kezeńde jalǵan monetalardy shyǵarý faktileri tirkelmedi», - dep málimdedi QR UB qolma-qol aqsha aınalymy departamentiniń banknottardy jáne monetalardy saraptaý basqarmasynyń bastyǵy Ashat Ábishev.
Ulttyq banktiń ókili atap ótkendeı, jalǵan aqsha belgileriniń sany 2019 jyldyń uqsas kezeńimen salystyrǵanda 46,9 % - ǵa tómendedi (ótken jylǵy kórsetkish - 718 banknot jáne 6 moneta).
Jalǵan banknottardyń basym bóligi Almaty qalasynda anyqtaldy - 243 jalǵan banknoty (63,78%). Bul rette, kóbinese Qazaqstanda 2020 jyly nomınaly 2 myń (41,47 %) jáne 5 myń teńgelik (31,5%) banknotalar qoldan jasalǵan.
Qazaqstan Ulttyq Bankiniń jalǵan banknottary men monetalaryn ótkizý maqsatynda daıyndaý nemese saqtaý, múlkin tárkileýmen nemese onsyz 5 jyldan 12 jylǵa deıingi merzimge bas bostandyǵynan aıyrylýymen jazalanady.
