5-6 qyrkúıek kúnderi aralyǵynda "Han-Shatyr" saýda oıyn-saýyq ortalyǵynyń janynda Túrkistan oblysy ákimdiginiń uıymdastyrýymen aýyl sharýashylyǵy ónimderiniń jármeńkesi ótkiziledi.
Jármeńkede Túrkistan oblysy sharýalary men dıhandary 447,2 tonna aýyl sharýashylyǵy ónimderin naryqtyq satylymnan 15 – 20 paıyzǵa tómen baǵamen qala turǵyndary men qonaqtaryna usynady.
Atap aıtqanda, 34 júk kóligine tıelgen 267,7 tonna kókónis, baqsha, kartop, 29,5 tonna jemis-jıdekter, 72 tonna et jáne et ónimderi, 47,5 tonna sút ónimderi, 10 tonna balyq, 6 tonna ásel, 14,5 tonna jemis shyryny men konservi ónimderi.
Túrkistan ákimdigi negizgi ónimder boıynsha baǵalarǵa da taldaý jasaǵan. Máselen, Nur-Sultan qalasynda sıyr etiniń naryqtaǵy ortasha baǵasy 2000 – 2100 tg/kg qurasa, jármeńkede 1700-1800 tg/kg., qarbyz, qaýyn 130-200 tg/kg. bolsa, jármeńkede 75-100 tg/kg., kókónis ónimderiniń ortasha baǵasy 150-200 tg/kg. bolsa, jármeńkede 100-150 tg/kg. qala turǵyndary men qonaqtaryna satylady.
5 jáne 6 qyrkúıekte Almaty oblysynan aýyl sharýashylyǵy ónimderi jármeńkesine úsh qala – Tekeli, Qapshaǵaı jáne Taldyqorǵan qalalary jáne 17 aýdan qatysady.
Jalpy alǵanda, 370,4 tonna aýyl sharýashylyǵy ónimi nemese 48 ataly ónim ákelinedi.
Fermerler 44,5 tonna et, 16,1 tonna sút ónimderin, 113,6 tonna kókónis, 14,7 tonna balyq, 38 tonna jemis-jıdek, 42,6 tonna kartop, 100 tonna basqa da ónimder ákeledi.
Jalpy somasy 170,5 mln teńgeniń ónimin satý josparlanýda.
Jármeńkege kelýshiler qatań sanıtarlyq-gıgıenalyq talaptardy saqtaý qajet: maska taǵý, qashyqtyqty saqtaý jáne mindetti túrde antıseptıkterdi qoldaný.
