El bolashaǵy – salamatty jastar

28-29 qazanda Pavlodarda Prezıdent janyndaǵy Jastar saıasaty jónindegi keńestiń XVI kóshpeli otyrysy bolyp ótti

Prezıdent Ákimshiligi Basshysynyń orynbasary, Keńes tóraǵasy Ǵabıdolla Ábdirahımovtyń qatysýymen ótken bul jolǵy jıyn elimizdegi sporttyq ınfraqurylym­dardy damytý men jastardy deneshynyqtyrýǵa, sportqa baýlý máselesine arnaldy. Sharaǵa ortalyq memlekettik atqarýshy organdardyń, sport jáne deneshynyqtyrý agenttiginiń ókilderi, Keńes músheleri, oblystardyń jastar saıasaty máseleleri jónin­­degi basqarma basshylary, úkimettik emes uıymdardyń jetekshileri, jastar qatysty.

28-29 qazanda Pavlodarda Prezıdent janyndaǵy Jastar saıasaty jónindegi keńestiń XVI kóshpeli otyrysy bolyp ótti

Prezıdent Ákimshiligi Basshysynyń orynbasary, Keńes tóraǵasy Ǵabıdolla Ábdirahımovtyń qatysýymen ótken bul jolǵy jıyn elimizdegi sporttyq ınfraqurylym­dardy damytý men jastardy deneshynyqtyrýǵa, sportqa baýlý máselesine arnaldy. Sharaǵa ortalyq memlekettik atqarýshy organdardyń, sport jáne deneshynyqtyrý agenttiginiń ókilderi, Keńes músheleri, oblystardyń jastar saıasaty máseleleri jónin­­degi basqarma basshylary, úkimettik emes uıymdardyń jetekshileri, jastar qatysty.

Jalpy, Prezıdent janyndaǵy Jastar saıasaty jónindegi keńes 2008 jyly Elbasy Jarlyǵymen quryldy. Oblys ortalyǵynda ótken keńestiń kóshpeli otyrysy 5 jyldyq mereıtoıǵa arnaldy dese de bolady. Otyrystyń qorytyndy jıynynyń ashylýynda bul jaıynda Keńes tóraǵasy, Prezıdent Ákimshiligi Basshysynyń orynbasary Ǵabıdolla Ábdirahımov aıtyp ótti. Bul bizdiń bıylǵy jyly ótkizip otyrǵan úshinshi otyrysymyz. Elbasy óz Joldaý­­ynda memleket aldyna álemdegi 30 eldiń qataryna qosylý min­detin qoıǵany belgili. Osy aýqym­dy maqsatqa qol jetkizýde Elbasynyń salıqaly saıasatyn ońtaıly júrgizýdiń mańyzy zor. Joldaýda aıtylǵandaı, halyqtyń densaýlyǵy jaqsarǵanda ǵana bolashaǵymyz mándi bolmaq. Memleketimizdiń deneshynyqtyrý men sportqa asa mán berýiniń astarynda úlken maǵyna bar, dedi ol.

Jastar saıasaty jónindegi keńeste jastardyń múddesine qatysty túrli saladaǵy ortalyq memlekettik organdardyń da esebin tyńdaý tájirıbesi engi­zil­geni belgili. О́ıtkeni, jas­tar saıasatynyń máselelerine búgin­de búkil álem nazar aýdarýda. Jastar saıasatyna Elbasy Nur­sultan Nazarbaevtyń «Qazaq­stan-2050» Strategııasynda da basa nazar aýdarylǵan. Sonymen qatar, Elbasy tapsyrmasymen «Jastar» ǵylymı-zertteý ortalyǵy qurylyp, el Úkimetiniń qaýlysymen «Qazaqstan-2020: bolashaqqa jol» atty Memlekettik jastar saıasatynyń 2020 jylǵa deıingi tujyrymdamasy qabyl­dandy. Osy oraıda, jastardy jumysqa ornalastyrý jáne bas­panamen qamtý maqsatynda «Ju­myspen qamtý-2020», «Jasyl el», «Dıplommen – aýylǵa!», «Jastar praktıkasy» jobalary júzege asyp keledi.

Jýyrda ótken «Nur Otan» par­tııasynyń kezekten tys XV sezinde Elbasy, partııa Tór­aǵa­sy jastar saıasaty boıynsha júktelgen tapsyrma tolyq oryn­dalmaı otyrǵanyn aıtqan bolatyn. Memleket basshysy atap kórsetkendeı, HHI ǵasyrda jastardy qoldaýshy partııa ǵana kóshbasshylyqty ustap tura alady. Al «Jas Otannyń» 200 myńnan astam jastyń basyn biriktirip otyrǵany, bir jyl burynǵy basqosýda jastarmen jumys boıynsha keshendi jospar usynylǵany taǵy málim. «Ashyǵyn aıtaıyn, meniń tapsyrmalarym jartylaı ǵana oryndalyp otyr. Máselen, Úkimet 2020 jylǵa deıingi Mem­lekettik jastar saıasatynyń tujy­rymdamasyn bekitti. Alaıda, ony júzege asyrý is-sharalary boıynsha qarjylandyrýdyń kólemi anyqtalmaǵan. Barlyǵy baǵdarlamalardyń ákimshilikterine kelisilgen shek boıynsha berilgen. Al bul shekti qarajat tutynýshyǵa jete me, joq pa? Bul belgisiz. Taǵy bir mysal, meniń tapsyrmam boıynsha Bilim mınıstrligi «Jastar» ǵylymı-zertteý ortalyǵyn qurdy. Alaıda, qarjylandyrýdyń joqtyǵynan bul da tolyqqandy jumys isteı almaı otyr», dedi Elbasy óziniń sózinde.

Elbasy sondaı-aq óńirlerde jastar resýrstyq ortalyqtaryn qurý jumysy sozylyp ketkenin, Astana, Almaty, Aqtóbe qala­la­rynda, Shyǵys Qazaqstan, Sol­tústik Qazaqstan, Qyzylorda oblystarynda bul jumys múldem bastalmaǵanyn kóldeneń tartty. Aıtpaqshy, «Jastarǵa qyzmet kórsetý ortalyǵy» alǵash ret byltyr bizdiń oblys ortalyǵynda ashyldy. Al bıylǵy jyldyń alty aıynda óńirde 1500 jas maman jumysqa ornalasypty. Endi, mine, osy ortalyqtyń jumysymen, atqaratyn qyzmetimen tanysý úshin elimizdiń ár oblysynan jas­tar jınalyp otyr. Jastardy eńbekke baýlý, sportqa beıimdeý, mádenı jáne rýhanı tárbıe berý boıynsha óńirde júıeli jumystar atqarylýda. Jańashyl jobalar barlyq salany qamtýda. Jastar saıasaty jónindegi basqarma qu­ryldy. Jastar bastamala­ryn damytý ortalyǵy da óz ju­mysyn bas­tady. «Regıon.kz» atty eki tilde oblystyq jastar gazeti shyǵyp turady. Kórshiles reseılik jas­tarmen kezdesý ortalyǵy jumys jasaıdy. Jastar saıasatynyń úlken jolǵa túsýine stýdent jas­tarmen jumys jasaýda táji­rıbesi bar Sultanmahmut Toraı­ǵyrov atyndaǵy memlekettik ýnı­versıtettiń burynǵy rektory, qazirgi oblys ákimi Erlan Aryn ózi bastama jasap, qoldaý kórsetýde.

Bul máseleler oblys orta­ly­ǵyndaǵy «Dostyq» úıinde ótken keńestiń kóshpeli otyrysynda jan-jaqty aıtyldy. Keńes músheleri jastardy alańdatyp otyrǵan máselelermen tanysyp, olardyń ıdeıalaryn, oılaryn bil­di. Mádenıet jáne aq­pa­rat vıse-mınıstri, Pre­zıdent janyndaǵy Jastar saıasaty jónindegi keńestiń múshesi Arman Qyryqbaevtyń aıtýynsha, negizgi maqsat – jer-jerdegi jastarmen kózbe-kóz júzdesip, olardyń oı-pikirlerin bilý, ótinishterin tyńdaý. Biz júz ret áńgime aıtqansha, bir ret kózben kórip, áńgimelessek degen oımen jınalyp otyrmyz. Jastarǵa baılanysty memlekettik saıasattyń negizgi baǵyttarynyń biri – dene tárbıesi jáne sportpen aınalysatyn jastardyń sanyn arttyrý, ásirese, aýyl jastaryna, múgedekter men az qamtamasyz etilgen otbasy balalaryna sporttyq jáne sporttyq-saýyqtyrý qyzmetteriniń qol­jetimdiligin qamtamasyz etý.

Sport jáne deneshynyqtyrý agenttigi tóraǵasynyń orynbasary Tastanbek Esentaevtyń aıtýynsha, adam densaýlyǵy jaqsy bolýynyń 50 paıyzy salamatty ómir saltyna baılanysty. Sport jáne deneshynyqtyrý – bizdiń memlekettik jastar saıasatynyń mańyzdy baǵyty. Iаǵnı, jastarǵa qatysty máselelerdiń barlyǵy da sheshimin tabady degen sóz. Bul úshin memleket qarjylaı kómek kórsetýge daıar. Bastysy – ár jas­tyń boıynda sportqa, jaqsy ómir súrýge degen talpynysty oıatý.

Al atalǵan agenttiktiń máli­metteri boıynsha, sporttyq úıir­melerde shuǵyldanatyn balalar men jasóspirimderdi qamtý kólemi 11 paıyzdy ǵana quraıdy. О́kinishke qaraı, búgingi kúni eli­mizdegi 2 myńǵa jýyq mektepte standartty sport zaldary joq kórinedi. Iаǵnı, oqýshylardyń 61 paıyzy ǵana deneshynyqtyrýmen aınalysa alady degen sóz. Son­dyq­tan máseleniń osy jaǵyna mán berilýi kerek.

Jıyn kúnderi «Mıllıonǵa baǵalanǵan ıdeıa» óńirlik jobasy da óz jumysyn bastady. Mysaly, 18 jastaǵy Imanjúsip dostarymen birge qýyrshaqtar, oıynshyq jıhazdar jasaıdy. Olardyń maqsaty – kishkentaılardy «Bar­bımen» emes, qazaqtyń ulttyq naqyshtaǵy ónerimen tanystyrý. Qolda qarjy bolsa, osy maqsatta túrli oıynshyqtar jasamaqshy eken. Bir qýantarlyǵy, jastar­­­­­­dyń kópshiligi qazirgi kúnderi búkil ǵalam alańdap otyrǵan jahandyq taqyryptarǵa oraı «Jasyl ener­­­getıka» jáne «Eko­logııa» ta­qy­ryptary boıynsha ózderi jasaǵan jobalaryn, usy­nystaryn ala ke­lipti. Eki kúndik jıyn barysyn­da Keńes músheleri aýyl jastary­men, jumysshy jastarmen, bıýdjettik sala qyz­metkerlerimen, jas kásip­ker­lermen kezdesýler ótkizdi.

Mektep sporty federasııa­sy­nyń prezıdenti bolyp Keńestiń tóraǵasy Ǵabıdolla Ábdirahımov saılandy. Sóıtip, kóshpeli jıyn barysynda el Úkimetine sporttyq ınfraqurylymdardy jáne jas­tar arasynda kópshilik sportty damytý boıynsha usynystar jiberildi. Jer-jerdegi jastar saıasaty jónindegi jumystardyń tıimdi tájirıbeleri arqyly pikir almasý men jumysty úılestirý maqsatynda atalǵan uıymdardyń jetekshilerine semınar-trenıngter júrgizildi.

Deneshynyqtyrý jáne sportpen shuǵyldanýǵa yntalandyrý, sporttyq sheberlikti arttyrý, joǵary oqý oryndary stý­dent­teriniń arasyndaǵy dostyq baılanysty nyǵaıtý maqsatynda 16-27 qazan aralyǵynda oblys ákimdiginiń qoldaýymen voleıbol, basketbol, fýtbol, toǵyzqumalaq, qazaq kúresi sııaqty sporttyń bes túrinen ýnıversıada ótken bolatyn. Jeńimpazdar men júldegerlerge dıplomdar, medaldar men ýnıversıada kýboktaryn Prezıdent Ákimshiligi Basshysynyń orynbasary Ǵa­bıdolla Ábdirahımov pen oblys ákimi Erlan Aryn tabystady.

Farıda BYQAI,

«Egemen Qazaqstan».        

PAVLODAR.