«Kezekti oqý jylynda sizdermen qaýyshqanyma qýanyshtymyn!
Qazaqstan Respýblıkasynyń Prezıdenti – Qazaqstan Respýblıkasy Qarýly Kúshteriniń Joǵarǵy Bas Qolbasshysy Qasym-Jomart Toqaev ulttyq bilim berý júıesiniń damýyna zor kóńil bólýde.
2019 jyly tamyz aıynda ótken «Bilim jáne Ǵylym!» konferensııasynda Prezıdent «Bizdiń maqsatymyz – adamı kapıtal sapasyn arttyrý úshin bilim salasynda reformalar qajet» ekendigin aıtyp ketti.
Sonymen qatar osy jyldyń mamyr aıynda Memleket basshysy Ulttyq qoǵamdyq keńestiń úshinshi otyrysynda bilim berý ekonomıkanyń mańyzdy salasy ekenin atap ótti.
Búkilálemdik pandemııa ómirimizdiń barlyq salasyna, onyń ishinde bilim salasyna da óz túzetýlerin qosty.
Karantındik sharalar jaǵdaıynda bilim berý salasy eń osal bolǵandyqtan, memlekettik deńgeıde bilim berýdi damytý vektoryna aıtarlyqtaı túzetýdi engizý talap etildi.
Atalǵan jaǵdaı áskerı bilim berý júıesine áser etpeı qoımady, zaman aǵymyna ilesip, qazirgi zamanǵy álemdegi áskerı ónerdiń, qarý-jaraq pen áskerı tehnıkanyń turaqty damý úderisin eskerip qana qoımaı, eldegi bilim berýdiń jalpy tendensııalaryn eskere otyryp ózgerýi kerektigi baıqaldy.
Jańa jaǵdaılar Qorǵanys mınıstrliginiń oqý prosesiniń buzylýyn boldyrmaý, áskerı mamandardyń bilimin joǵary deńgeıde ustap turý úshin jedel sharalar qabyldaýǵa negiz boldy.
Bıylǵy jyldyń mamyr aıynda qorǵanys vedomstvosymen áskerı qyzmetshilerdi shetelde oqytý úshin sol jaqqa jiberý jumysy júrgizildi.
Bilim alýshylardyń densaýlyǵy men ómirine tóngen qaýip, oqý prosesinde áleýmettik qashyqtyqty saqtap, karantın sharalaryn júrgizýdi talap etti.
Pandemııa jaǵdaıynda hımııalyq jáne bakterıologııalyq qorǵaý, ınjenerlik jáne medısınalyq mamandardyń, onyń ishinde Reseı Federasııasynyń áskerı JOO-synda oqıtyn áskerı mamandardyń sany artty.
Osy jyly Qazaqstan Respýblıkasy Qorǵanys mınıstrligi áskerı oqý oryndaryna 2000-ǵa jýyq adam oqýǵa tústi. Onyń ishinde 700-ge jýyǵy «Jas Ulan» Respýblıkalyq mektebiniń tárbıelenýshileri.
Áskerı doktrınasynyń talaptary aıasynda áskerı kadrlardy daıarlaý júıesi ıkemdi jáne tıimdi bolýy, memlekettiń qazirgi zamanǵy áskerı uıymynyń qajettilikteri men mindetterine jaýap berýi tıis. Ol áskerı qurylystyń perspektıvalyq mindetterimen, sondaı-aq jas urpaqtyń áskerı qaqtyǵystarynyń sıpatyn boljaýmen baılanysty bolýy kerek.
Elde áskerı bilim jáne ǵylym júıesiniń qalyptasý jyldarynda, joǵary bilikti professorlyq-oqytýshylyq quramy, qazirgi zamanǵy oqý materıaldyq-tehnıkalyq bazasy bar áskerı oqý oryndarynyń jelisi quryldy. Bilim berý prosesi men áskerı ǵylymdy uıymdastyrýdy reglamentteıtin normatıvtik quqyqtyq aktiler ázirlendi.
Sóz sońynda sizderge memlekettiń áskerı qaýipsizdigin nyǵaıtý jáne Otanymyz – Qazaqstan Respýblıkasynyń órkendeýi úshin áskerı isti zerdeleý jáne áskerı bilimdi damytý jolynda alǵa qoıylǵan maqsattarǵa qol jetkizýde shyǵarmashylyq tabys tileımin!», – dedi Qorǵanys mınıstri N.Ermekbaev.
