Sarbazdyń súıegi Qazaqstan áskerı-áýe kúshteriniń áskerı bortymen jetkizildi. Týystaryna jetkizilgennen keıin, barlyq áskerı rásimdi saqtaı otyryp, sarbazdyń súıegi jer qoınyna tapsyryldy.
О́tken jyly «Eske alý vahtasy» aksııasy aıasynda Reseı Federasııasy, Tver oblysy, Zýbsovsk aýdanynyń mańynda júrgizilgen izdestirý operasııasy barysynda 1941-1945 jyldardaǵy Ekinshi dúnıejúzilik soǵys kezinde qaza tapqan áskerı qyzmetshiniń súıegi tabyldy. Sarbazdyń moıyntumaryn saraptaýdan ótkizý kezinde onyń jeke derekteri anyqtaldy. Qaza bolǵan sarbaz Qyzylorda oblysy Aral aýdanynan Qyzyl ásker qataryna shaqyrylǵan Kelis Jıenbaev ekendigi belgili boldy.
Qazaqstandyq sarbazdyń súıegin týystaryna tapsyrý jáne qaıta jerleý boıynsha odan ári daıyndyq jumystary Reseı Federasııasyndaǵy Qazaqstan Respýblıkasy elshiligi janyndaǵy Áskerı attashe apparaty jáne Qorǵanys mınıstrliginiń qurylymdyq bólimshelerimen birlese júzege asyryldy. Sarbazdyń týystaryn izdestirý kezinde Máskeý qalalyq izdeý ortalyǵynyń kórsetken kómegi zor.
«Anam árdaıym ákesiniń súıegi tabylyp, týǵan jerinde jerlengenin armandaıtyn. О́kinishke qaraı, bir jyl buryn osy kúndi kórmesten dúnıeden ozdy. Al búgin marqum anamnyń armany oryndaldy. Biz bul úshin óte qýanyshtymyz jáne rızamyz», dep qaıtys bolǵan sarbazdyń nemeresi Muhtar Qazbekov áskerı qyzmetshiler men izdestirý tobyna alǵysyn bildirdi.
