Bul ýaqytta mashınanyń ıesi artqy oryndyqta uıyqtap jatqan, ol uryny toqtatýǵa tyrysqan, alaıda ol ishinde qujattar men bank kartasy bolǵan sómkeni ilip alyp, qylmys jasalǵan orynnan qashyp ketken. Jábirlenýshi berden "102" arnasyna júgingen.
Aýdandy pysyqtaý barysynda beınekameradan sıpattalǵan belgileri boıynsha uqsas er adam baıqalǵan. Patrýldik polıseıler qylmystyń izi sýymastan uryny salynyp jatqan qurylys nysanynan ustap alǵan. Polısııadan jasyryna otyryp, ony taba almaı qalady degen úmitpen jas jigit qurylysshylardyń býdkasyna qaraı júgirgen. Alaıda ol ustalyp, Polısııa basqarmasyna jetkizilgen.
Ustalǵan adam 29 jastaǵy jumyssyz qala turǵyny bolyp shyqqan. Ony bir aıdyń kóleminde jedel qyzmetkerler velosıped urlyǵyn jasaǵany úshin ustaǵan.
Ustalǵan azamat Nur-Sultan qalasy Polısııa departamentiniń Ýaqytsha ustaý ızolıatoryna qamaldy. Qazaqstan Respýblıkasy QK-niń 191-baby 1-bóligi boıynsha ("tonaý") sotqa deıingi tergep-tekserý júrgizilýde. Onyń buǵan deıin elorda aýmaǵynda jasalǵan osyǵan uqsas qylmystarǵa qatystylyǵy tekserilýde.
