Oblystyq týrızm jáne sport basqarmasynda habarlaǵandaı, sporttyq ınfraqurylymdaǵy jóndeý jumystarynyń sapasyn qadaǵalaıtyn arnaıy top ortalyq stadıondaǵy retke keltirý jumystarymen tanysty.
"Jumyspen qamtýdyń jol kartasy 2020» baǵdarlamasy aıasynda fýtbol alańy men jarys jolyn kúrdeli jóndeý jumystary aıaqtaldy. Barlyq jumystardy "Sıtadel" JShS atqardy", - dep habarlady týrızm jáne sport basqarmasynan.
Jarys jolyn jańartýdyń arqasynda Pavlodarda jeńil atletıkadan Qazaqstan chempıonatyn ótkizý múmkindigi týdy. Joba quny - 138 mln teńge.
Sońǵy ret 2014 jyly aýystyrylǵan fýtbol alańy bolsa, bıyl 168 mln teńgege jańartyldy. 105h68 metrlik jasandy kógalda kásibı fýtbolshylarmen qatar, balǵyn sportshylar da sheberligin shyńdaı alady.
Aıta keteıik, "Jumyspen qamtýdyń jol kartasy – 2020" baǵdarlamasy boıynsha "Astana" muz saraıynyń shatyry men 10 kVt kabeli tolyǵymen aýystyryldy. Mundaǵy jumystardyń quny 200 mln teńge shamasynda boldy.
Pavlodardyń sport nysandaryn jóndeý kezinde bıyl Jumyspen qamtý ortalyǵy arqyly 100 adam tabys kózimen qamtyldy.
