"Nur-Sultan halyqaralyq áýejaıyna Ákimshilik quqyq buzýshylyq týraly kodekstiń 425-babynyń 1-bóligi boıynsha ("Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý") boıynsha 1600 AEK - 4 444 800 teńge mólsherinde ákimshilik jaza qoldanyldy, biraq Nur-Sultan áýe aılaǵynyń qysqartylǵan óndirisi aıasynda 2,2 mıllıon teńge aıyppul tólendi", - dedi Kóliktegi bas memlekettik sanıtar dáriger Sádýaqas Baıǵabylov.
Onyń aıtýynsha, mundaı jaza qoldanýǵa elorda áýejaıynda karantın sharalarynyń saqtalmaýy sebep bolǵan. Áýejaıda kelgen jáne ketetin jolaýshylar úshin jeke dálizder uıymdastyrylmaǵan, reıske tirkelý jáne otyrǵyzý kezinde jolaýshylar arasynda áleýmettik qashyq saqtalmaǵan, termınalda dezınfeksııalyq kilemsheler ornatylmaǵan, perrondyq avtobýstyń júrgizýshilerinde qolǵap bolmaǵan jáne qyzmetkerler maskalar taqpaǵan.
