"Prezıdent halyqqa kezekti Joldaýynda áleýmettik salada birqatar tapsyrma berdi. Onyń ishinde kópshiliktiń qyzyǵýshylyǵyn tanytyp otyrǵany zeınetaqy jınaǵynyń bir bóligin maqsatty paıdalaný múmkindigine baılanysty. Sondyqtan osy baǵytta túsinikteme bergim keledi. Birinshiden, Memleket basshysy tarapynan tujyrymdamalyq sheshim qabyldandy. Zeınetaqy jınaqtarynyń bir bóligin kelesi jaǵdaılarda paıdalaný múmkindigi beriledi, ıaǵnı turǵyn úı jaǵdaıyn jaqsartýǵa, emdelýge jáne qarjy kompanııalaryna basqarý úshin aýdarýǵa beriledi», - dedi B. Nurymbetov.
Budan soń, mınıstr kimder qandaı jaǵdaıda jınaqtarynyń bir bóligin paıdalana alatynyn aıtty.
"Birinshiden, jumys istegen ári jumys istep júrgen bizdiń azamattar, ıaǵnı Biryńǵaı zeınetaqy qorynda jarnalary bar azamattardyń jınalǵan somasy "jetkilikti sheginen" asyp jatqan jaǵdaıda ala alady. Maqsat onyń bárin taratyp berý emes, onyń qajetti bir bóligi qalýy tıis. Odan asqan aqshany azamattar óz erkimen joǵary maqsattarǵa paıdalanýǵa múmkingidigi bar. Mundaı azamattardyń sany 530 myń adamǵa jetip otyr. Ekinshisi - zeınet jasyna jetken adamdar. Eger de olarda jınaqtaýshy qorynda qarajattary bar bolsa, ol kisiler sol qarajattyń 50 paıyzyna deıin alady. Bundaı adamdardyń sany 178 myńnan asady. Úshinshiden, zeınetaqy annýıtetin resimdegen jáne áli de jınaqtary bar azamattar ala alady. Mundaı elimizde 13,3 myń adam bar. Osylaısha, zeınetaqy jınaqtarynyń bir bóligin maqsatty paıdalaný múmkindigin 721 myńnan astam qazaqstandyq paıdalana alady", - dedi ol.
