2020 jylǵy 9 tamyzda Almaty oblysy PD Ile aýdandyq PB kezekshi bólimine Mejdýrechınsk kentiniń 56 jastaǵy turǵyny 9 synypta oqıtyn 14 jastaǵy nemeresiniń belgisiz baǵytta úıinen ketip, qaıta oralmaǵany týraly aryzdanǵan.
Osy ótinish resmı tirkelgennen keıin polıseıler jedel túrde jasóspirimdi izdeýge kiristi. Iz kesýshiler qyzdyń ákesimen jáne qyzdy óz qamqorlyǵyna alǵan apasymen turatynyn, al qyzdyń anasy basqa qalada bólek turatynyn anyqtady. Jasóspirimniń úıden keter aldynda ákesi men qyzdyń arasynda sózge kelispeýshilik bolǵany belgili boldy.
Qyzdy izdeý jumystaryna krımınaldyq jáne ıývenaldyq polısııa qyzmetkerleri, ýchaskelik polısııa ınspektorlary men eriktiler jumyldyryldy. Qabyldanǵan sharalardyń nátıjesinde izdeýdegi jasóspirim aman-esen 30 tamyz kúni Qarasaı aýdanyndaǵy “Altyn Orda” bazarynyń aýmaǵynan tabyldy. Qyz syıhanalardyń birinde daıashy bolyp jumys istegen jáne ol jatyn orny bar syıhanada turyp kelgen.
Aman tabylǵan qyzdy tártip saqshylary úıine qaıtaryp, ájesine tabystady. Qarııa polıseılerdiń tabandy izdenisi jáne kásibı sheberlikteri úshin alǵysyn bildirdi. Otbasynan qashyp ketken kámeletke tolmaǵan bala qańǵybastyǵy úshin arnaıy esepke alyndy.
Qyzdyń ákesine QR Ákimshilik quqyq buzýshylyqtar týraly kodeksiniń 127-babynyń 3-bóligi men 442-babynyń 2-bóligine sáıkes ákimshilik hattama toltyryldy.
