Keńes barysynda taraptar birqatar máselelermen qatar júıede tirkelmegen stýdentter jaıy sóz boldy.
Onlaın-kezdesýdiń qorytyndysy boıynsha ÁMSQ Almaty qalasynyń qoǵamdyq damý basqarmasymen birlesip, MÁMS júıesinde saqtandyrylmaǵan stýdentterdi jedel tirkeý úshin qalalyq joǵary oqý oryndaryna jan-jaqty qoldaý jáne kómek kórsetý týraly sheshim qabyldandy.
Sondaı-aq, talqylaý nátıjesinde ár oqý ornynda prorektorlar deńgeıinde jaýapty tulǵalardy taǵaıyndaý týraly kelisimge qol jetkizildi, olar medısınalyq saqtandyrý júıesinde stýdentterdiń tirkelýi men monıtorıngine jaýap beredi.
Qazaqstanda mindetti medısınalyq saqtandyrý júıesi resmı túrde 2020 jyldyń 1 qańtarynda engizilgeni belgili. Aǵymdaǵy jyldyń 1-shi sáýirine deıin barlyq qazaqstandyqtar shartty túrde saqtandyrylǵan bolyp sanaldy, sondyqtan medısınalyq saqtandyrý qoryna aýdarymdarǵa qaramastan qyzmetter ala aldy. Birinshi karantınniń engizilýimen naýryz aıynda jeńildik kezeńi uzartylyp, osy jyldyń 1 shildesinde aıaqtalady.
Stýdentter memleket MÁMS jarnalaryn tóleıtin 15 jeńildik sanatyna jatady.
Aldymen saqtandyrý mártebesin Saqtandyrybot Telegram-botynyń kómegimen JSN kórsetý arqyly tekserýge bolady.
"Medısınalyq qyzmetterdi tutynýshy" mártebesin alý úshin jeńildikti sanattarǵa jatatyn tulǵa, bizdiń jaǵdaıda stýdent nemese onyń zańdy ókili qorǵa Qoldau 24/7 mobıldi qosymshasy arqyly rastaıtyn qujattardyń túpnusqasynyń skanerlengen kóshirmelerin usynady.
Stýdentterge qosymshada qalaı tirkelýge bolady?
- AppStore nemese Play Market-ten Qoldau 24/7 qosymshasyn júkteý.
- Elektrondyq meken-jaıyn, tegin, atyn jáne baılanys telefonyn kórsetkennen keıin júıege tirkelý.
- Tirkelgennen keıin tómengi oń jaq buryshtaǵy «bizge jazyńyz» túımesin paıdalaný.
Orta, tehnıkalyq jáne kásiptik, orta bilimnen keıingi, joǵary bilim berý, sondaı-aq joǵary oqý ornynan keıingi bilim berý uıymdarynda kúndizgi oqý nysany boıynsha oqıtyn adamdar orta, tehnıkalyq jáne kásiptik, orta bilimnen keıingi, joǵary jáne (nemese) joǵary oqý ornynan keıingi bilim berý uıymynan anyqtamany tirkeýi qajet. Habarlama mátininde JSN, sondaı-aq jeńildik sanaty kórsetilýi qajet.
Qoldau 24/7 qosymshasynda ótinim berilgennen keıin Qor "Saqtandyry" AJ-da, sondaı-aq memlekettik organdardyń ózge de aqparattyq júıelerinde adamdardyń jeńildikti sanatqa jatatynyn belgileý jáne olarǵa "medısınalyq qyzmetterdi tutynýshy" mártebesin berý úshin qamtylǵan qujattardy salystyryp tekserýdi júrgizedi.
