Ekinshiden, jergilikti ózin ózi basqarý boıynsha aýyl ákimderin saılaý. Buryn bul tártipten ákimder máslıhat arqyly ótetin. Al endi tikeleı halyqpen jumys isteıtin bolady. Bul jınalystardyń ózektiligin arttyra túsiredi. Bul da mańyzdy másele, óıtkeni onymen turǵyndar arasynda tek qoǵam belsendileri aınalysyp keldi.
Úshinshiden, bul «jasyl» ekonomıkany damytý. Munyń da mańyzdylyǵy kem emes. «Jasyl» ekonomıka jumyspen qamtý deńgeıin arttyryp qana qoımaı, tutastaı ekonomıkanyń damýyna jetkilikti deńgeıde áser etedi. Sondyqtan Prezıdent buǵan nazar aýdaryp, Ekologııalyq kodekstiń qabyldanýyna tikeleı tapsyrma bergeni barshaǵa málim. Sondaı-aq aýyldyq jerlerde bilim berýdegi teńsizdikti joıý týraly aıtyldy. Nege deseńiz, shalǵaı aımaqtardaǵy balalar qalalyq oqýshylardan kem bilim almaýy tıis.
Tórtinshisi, sot-quqyqtyq baǵyt. Bul jerde polıseıler arasyndaǵy ókilettikterdiń ara jigin ajyratý týraly aıtyldy. Aıtalyq, tártip saqshylarynyń qyzmettik quzyretine ne kiredi, prokýratýra is-áreketi qandaı bolý kerektigi jan-jaqty qamtylǵany oryndy.
Kvazımemlekettik uıymdardyń jumysyn retke keltiretin ýaqyt jetti. Muny Memleket basshysynyń ózi ańǵartty. Kvazımemlekettik sektor degenimiz ne? Bul memleketten bólinetin qarajatpen jumys isteıtin uıymdar. Sol sebepti Prezıdent qyzmet kórsetýdiń servıstik modeline kóshýge nazar aýdaryp, ekonomıka men bıznesti naryqtyq turǵyda damytýǵa kúsh salý kerektigin jetkizdi. Al qazir holdıngterdiń ınvestorlar nemese shaǵyn jáne orta bıznespen básekege túsip jatqany baıqalýda. Sondyqtan Qasym-Jomart Toqaevtyń osy sheshimi qazirgi jaǵdaıda tıimdi ekeni kúmánsiz.
Buǵan qosa, orynsyz tekserýlerdi azaıtý jónindegi bastama da bıznes tarapynan qoldaý tabatyny anyq. Osy oraıda Memleket basshysy salyq zańnamasyna nazar aýdaryp, bul baǵyttaǵy jumystardy sıfrly formatqa aýystyrýdyń tıimdiligin aıtty jáne bul máseleni Ulttyq kásipkerler palatasyna Úkimetpen birlesip, pysyqtaýdy tapsyrdy.
Aıgúl SOLOVEVA,
Qazaqstannyń ekologııalyq uıymdar qaýymdastyǵynyń tóraǵasy
