Joldaýdaǵy bala quqyqtaryn, jalpy adam quqyqtaryn qorǵaýǵa, memlekettik apparatty qysqartýǵa baılanysty tapsyrmalaryn muqııat tyńdadym. Prezıdent «Halyqqa turaqty jumys oryndary, yńǵaıly jol, aýrýhanalar men mektepter, sapaly azyq-túlik kerek», dep anyq kórsetti. Bul – áleýmettik saıasattaǵy jańa paradıgmalarǵa jol ashady. Memlekettik organdardyń jaýapkershiligi kúsheıtilip, ár saladaǵy basshylardyń jumys nátıjeleri turǵyndardyń ómir sapasy jaqsarǵanda anyq kórinetin bolady.
Koronavırýs indetiniń saldarynan dúnıejúzindegi mektep oqýshylary men stýdentterdiń basym kópshiligi qashyqtan oqytýǵa kóshken kezde, elimizde ortaq onlaın platforma joqtyǵy anyq baıqaldy. Prezıdent osy kemshilikterdi ashyq kórsete otyryp, elimizde oqý úderisi úshin qajetti barlyq fýnksııalary bar biryńǵaı onlaın platformasyn shuǵyl ázirleýdi tapsyrdy. Bul dál qazirgi jaǵdaıda balalarymyzdyń oqýy men densaýlyǵynyń qaýipsizdigi úshin jasalatyn eń utymdy jol. Azamattyq qoǵam ókilderi de bılik pen halyq arasyndaǵy jańa formattaǵy baılanysqa daıyn bolyp, óńirlerdegi kúrdeli máselelerdi ashyq kórsetkeni durys dep oılaımyn. О́ıtkeni elimizdiń alǵa basýy úshin qoǵamnyń barlyq ókilderiniń arasynda ashyq ári búkpesiz dıalog qajet.
Aıgúl DÚISENOVA,
Aqtóbe oblysynyń Úkimettik emes uıymdar qaýymdastyǵynyń prezıdenti, Qazaqstannyń Azamattyq alıans birlestiginiń múshesi
