Osyǵan baılanysty Prezıdent óndirýshilerdi qoldaý sharalaryna toqtalyp, olardyń arasynda kvazımemlekettik sektordyń barlyq qatysýshylary úshin memlekettik satyp alý salasynda biryńǵaı zań qurý bastamasyn tilge tıek etti. Soǵan sáıkes qazaqstandyq qamtý satyp alý prosesiniń negizgi faktorlarynyń biri bolýy tıis.
Prezıdent jańa ekonomıkalyq baǵyttyń negizgi jeti baǵytynyń biri azamattardyń ıgilikteri men mindetterin ádil bólý qaǵıdatyna basymdyq berdi. Bul sheshim shyn máninde óte mańyzdy. Osyǵan baılanysty turǵyn úı máselesin erekshe atap ótý qajet. О́ıtkeni jas otbasylar úshin basty problemalardyń biri – jeke turǵyn úıdiń joqtyǵy.
Búgingi tańda Qazaqstan kásipkerleri 40-qa jýyq túrli salyq tóleıdi. Sol sebepti salyq saıasatynyń júıesi men tetigin qaıta qaraý, onyń ishinde salyq mólsherlemelerin saralaý múmkindigin qarastyrý tapsyryldy. Bul sharalar jastardy kásipkerlikke tartýǵa jańa serpin beredi.
Aýyldyq jerler men monoqalalardy damytýǵa kóp kóńil bólindi. Qala quraýshy kásiporyndardy tarta otyryp, shalǵaı eldi mekenderdi damytý úshin jańa jaǵdaılar jasaý qajet. Bul óńirlik bilim berý ortalyqtaryn, onyń ishinde shaǵyn qalalarda ornalasqan ýnıversıtetter men kolledjderdi damytý tetigin iske qosýǵa múmkindik beredi.
Álibek RAIPOV,
«Ekonomıkalyq zertteýler ınstıtýty» AQ jetekshi sarapshysy
