Arheolog - Ábdesh Tóleýbaevtyń jetekshiligimen júrgizilgen Tarbaǵataı aýdanyndaǵy qazba jumystarynda bir top ǵalymdar saq bıleýshisiniń at-ábzelderin tapty. Tabylǵan 850 altyn buıymnyń barlyǵy saltanatty at sherýine arnalǵan. Qazba jumystaryn júrgizgen ál-farabı atyndaǵy Qazaq ulttyq ýnıversıtetiniń ǵalymdardyń paıymdaýynsha, qundy jádigerler bizdiń dáýirimizge deıingi V-IV ǵasyrlarǵa tıesili.
"Ań" stılindegi áshekeı buıymdar qorǵannyń qasyndaǵy qulshylyq etetin ornynan shyqqan. Zer salyp qarasaq, grıfondardyń, buǵylardyń, mıstıkalyq janýarlardyń músinderi asa sheberlikpen jasalǵan. Altyny da tyǵyz kórinedi. Aı qulaqty jolbarys úlgisindegi alqa da zergerdiń has sheberligin kórsetip turǵandaı.
Sonymen qatar, qos shynjyrdaǵy aqyq tasty alqa ǵalymdardyń erekshe nazaryn aýdaryp otyr. Mamandardyń aıtýynsha, mysyq tuqymdas qulaqty jyrtqysh beınelengen alqa da buryn-sońdy kezdespegen.
Tabylyp jatqan biregeı jádigerler babalarymyzdyń mádenıetin, ónerin taǵy bir márte dáleldegendeı boldy. Altyn balqytyp, áshekeı buıymdar jasaý – sheberliktiń sol zamandaǵy shyńy shyǵar.
Qorǵannan qarǵa adym jerden sheberlerdiń ustahanasynyń orny baıqalǵan. Munda olar qola men altyn balqytqan kórinedi.
Esterińizde bolsa, byltyr da Eleke sazynan erekshe buıymdar shyqqan. Endeshe, arheologııa salasyndaǵy ǵylymı-zertteý jumystarynyń baǵdarlamasy 2021 jylǵa deıin jalǵasyn taba bermek.
