Jaqsy iske jany ińkár Ernat Melsuly, Dáýletqalı Asaýov pen Jasulan Úkeevter Nur-Sultan qalasynan qııandaǵy Jıdebaıǵa deıin myń shaqyrymdyq joldy velosıpedpen júrip ótýge bel býǵan. Basty maqsat uly Abaıdyń murasyn nasıhattaý. Biri aǵylshyn tiliniń mamany bolsa, ekinshisi jýrnalıst jáne arheolog. Olar bir kúnde 160 shaqyrymnan astam jerdi júrip ótip, Ereımentaýǵa at basyn tiredi.
Odan ári Pavlodar, Semeı, Bórilini basyp ótip, Jıdebaıdaǵy Abaı-Shákárim keshenine jetpek. Jol boıy hakim murasyn nasıhattaý, jalpaq jurttyń nazaryn máńgi ólmes mura qaldyrǵan kemeńgerdiń shyǵarmashylyǵyna aýdarý úshin zııaly qaýymmen kezdesýler ótkizbek. El de eleýli sapardy eskerip, jol boıy qushaq jaıyp qarsy alyp, qoshemet kórsetýde.
