Monetalar 2020 jylǵy 8 qyrkúıekten bastap satýǵa túsedi. Olardy Qazaqstan Ulttyq Bankiniń barlyq aýmaqtyq fılıaldarynda satyp alýǵa bolady – olardyń mekenjaılary saıtta kórsetilgen, sondaı-aq Ulttyq Banktiń ınternet-dúkeni arqyly satyp alýǵa bolady.
Monetalardyń dızaınynda "Shyǵys kúntizbesi" sýburqaǵynyń (Almaty) músindik kompozısııasynyń beıneleri paıdalanyldy. Músindik kompozısııa avtorlary: Qazaqstannyń eńbek sińirgen óner qaıratkeri, sýretshi-monýmentalıst V. Tverdohlebov, A. Tatarınov jáne V. Kasev.
Monetalardyń aversinde aspan álemindegi juldyzdar kartasynda juldyzdar shoǵyrynyń mıfologııalyq sımvoldary jáne moneta daıyndalǵan metaldy, onyń synamy men massasyn bildiretin jazý beınelengen. Monetany aınaldyra "QAZAQSTAN RESPÝBLIKASY" jáne "REPUBLIC OF KAZAKHSTAN" degen jazýlar, kúnniń stıldendirilgen beınesi jáne monetanyń nomınaly beınelengen.
Monetalardyń reversinde ortalyq bóliginde shyǵys kúntizbesi boıynsha 2021 jyldyń sımvoly – sıyr beınelengen. Monetany aınaldyra "2021", "ShYǴYS KÚNTIZBESI", "VOSTOChNYI KALENDAR" jáne "ORIENTAL CALENDAR" degen jazýlar jazylǵan. Monetalardyń ishki jaǵynda shyǵys kúntizbesiniń qalǵan on bir sımvoly ornalasqan.
Altyn jáne kúmis monetalar on eki qyrly jáne olardyń bet jáne syrt jaǵyndaǵy beıneleri birdeı.
Nomınaly 500 teńgelik altyn jáne kúmis monetalar kolleksııalyq quny boıynsha satýǵa arnalǵan.Nomınaly 500 teńgelik kolleksııalyq monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Altyn jáne kúmis monetalar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Kolleksııalyq monetalar Qazaqstan teńge saraıynda daıyndaldy.
