Mekeme basshysy Erǵazy Rysbekov kestege saı júrgizilip jatqan qurylys jumystaryna tartylǵan 22 jumysshynyń 14-i jergilikti turǵyndar ekenin aıtyp ótti. Olar "Halyqty jumyspen qamtý ortalyǵy" arqyly jumysqa alynǵan. Sondaı-aq kópshilikke gaz túrindegi qazandyq isten shyǵyp qalsa, turǵyndarǵa jylý qalaı jetkiziletindigi jóninde de túsinik berildi. Mekeme ol úshin kómir alyp qoıǵan jáne tehnıkalyq qolaısyzdyq bolǵan tusta, ádettegishe jylý berilmek. Búginde Germanııadan ákelingen qazandyqtar ornatylyp, montaj jumystary júrgizilýde. Jaramdyǵyna saı 50 jyl paıdalanylady dep kútilgen qazandyqtar "Otyrar" móltek aýdanynda, ortalyq meshit janynan da ornatylýda.
Aıta ketelik, buǵan deıin bir maýsymǵa 75 kópqabatty úı, 28 bıýdjettik jáne 55 kommersııalyq mekeme, 56 jeke úıdi jylytý úshin 16000 tonna kómir jaǵylyp, 123 adam qyzmet etken.
