Ol Qazaqstanda karantın talabyn kúsheıtý nemese jeńildetýge baılanysty boljam 3 jaǵdaıǵa súıene otyryp jasalatynyn jetkizdi.
"Bul jaǵymsyz, shynaıy, pozıtıv boljamdarǵa negizdelip jasalady. Qazirgi tańda densaýlyq saqtaý mınıstrligi men úkimet jaǵymsyz boljamǵa súıenip otyr. Ol uzaq, qysqa merzimge súıenip jasalatyndyqtan onyń kemshiligi óte joǵary bolýy múmkin. Sondyqtan densaýlyq saqtaý mınıstrligi qysqa merzimge negizdelgen, ıaǵnı 10-15 kúnge negizdelgen boljamǵa súıenedi, - dedi ol ortalyq kommýnıkasııalar qyzmetinde ótken baspasóz máslıhatynda.
Osy oraıda Baǵdat Qojahmetov elimizde 17 tamyzda karantın talaby jeńildegenin atap ótti.
"Tamyzda karantın talaby jeńildedi. Sondyqtan kóptegen kásipker jumys isteýge múmkindik aldy. Karantın talabynyń kúsheıýi nemese jeńildeýi qoǵamdaǵy adamdardyń áreketine baılanysty. Biz elimizdegi sanıtar dárigerlerdiń talabyn múltiksiz oryndaýymyz kerek. Birinshiden, maska taǵyp, araqashyqty saqtaýymyz kerek. Ekinshiden, adam kóp shoǵyrlanǵan jerde jınalmaýymyz kerek. Iаǵnı karantın talabanynyń kúsheıýi nemese jeńildeýi bizdiń qalaı áreket etkenimizge baılanysty", - dep túıindedi sózin resmı ókil.
Aıta keteıik, Qazaqstanda koronavırýs juqtyrǵandar sany 106 121-ge jetti. 98 585 naýqas aıyqty, 1 588 adam qaıtys boldy.
