Túrki áleminiń tanymal ǵalymdary bas qosqan sharanyń saltanatty ashylýyna Akademııa basshysy Darhan Qydyráli arnaıy qatysyp, quttyqtaý sóz sóılep, tuńǵysh quryltaı jumysyna sáttilik tiledi.
Qyrkúıek aıynyń 4-5 kúnderi aralyǵynda ótetin atalǵan onlaın quryltaıda Ázerbaıjan, Qazaqstan, Qyrǵyzstan, Túrkııa jáne О́zbekstan elderiniń túrkologııa mamandyǵynda oqıtyn stýdentter túrki halyqtarynyń folklory, ádebıeti, til bilimi jáne dástúri baǵyttarynda baıandama jasap, pikir almasady.
Aıta ketý kerek, mamyr aıynyń aıaǵynda Halyqaralyq Túrki akademııasy Túrkitaný kafedralarynyń keńesin quryp, alǵashqy jıynyn ótkizgen edi.
Onlaın formatta ótken jıynda túrki tildes elderdiń Til bilim ınstıtýttary men tanymal ýnıversıtetterindegi túrkologııa kafedralarynyń meńgerýshileri qatysyp, qazirgi túrkologııa salasy boıynsha bilim berý prosesindegi máselelerdi talqylaǵan bolatyn. Atalǵan tuńǵysh quryltaı sol jıynda qabyldanǵan sheshimderdiń júzege asa bastaǵanynyń kórinisi.
