Qazaqstan • 04 Qyrkúıek, 2020

Elordada Ekinshi dúnıejúzilik soǵystyń aıaqtalýyna ekspozısııa ashyldy

19 ret kórsetildi

Nur-Sultan qalasyndaǵy Qazaqstan Respýblıkasy Qarýly Kúshteriniń Ulttyq áskerı-patrıottyq ortalyǵynda Ekinshi dúnıejúzilik soǵystyń aıaqtalǵanyna 75 jyl tolýyna arnalǵan biregeı ekspozısııanyń saltanatty ashylýy ótti, - dep habarlaıdy Egemen.kz.

Ekspozısııada muraǵattyq jáne statıstıkalyq fotomaterıaldar, soǵys ardagerleriniń jeke zattary men qarý-jaraqtary qoıylǵan. Barlyq ekspozısııalyq materıaldar QR QK Áskerı-tarıhı murajaıy qyzmetkerlerimen jınaldy.

1945 jyly 2 qyrkúıekte Japonııa Potsdam deklarasııasynyń barlyq sharttaryn qabyldap, óziniń tolyq jeńilgendigi týraly aktige qol qoıdy. Japonııany jeńý Ekinshi dúnıejúzilik soǵystyń aıaqtalýymen belgilendi.

О́kinishke oraı, Keńes-Japon soǵysyna qatysqan barlyq qazaqstandyqtardyń esimderi áli belgili emes. Alaıda, Áskerı-tarıhı murajaı qyzmetkerleri oqıǵalardyń hronometrajyn izdeý jáne qalpyna keltirý boıynsha josparly jumysty turaqty negizde júrgizýde.

«Soǵysqa qatysqan on myńnan astam qazaqstandyq jaýyngerdiń 200-den astamy túrli ordendermen jáne medaldarmen marapattaldy, – dedi QR QK Áskerı-tarıhı murajaıynyń bastyǵy podpolkovnık Nurtaza Ásilov. – Sondaı-aq, biz Qazaqstannyń beıbit ómir keship jatqanyna zor úles qosqan qazaqstandyq batyrlardy eske alyp, qurmetteýimiz kerek».

Sanıtarlyq-epıdemııaǵa qarsy talaptardy saqtaı otyryp ótkizilgen ashylý saltanatyna Qazaqstan Qarýly Kúshteriniń ardagerleri, Ekinshi dúnıejúzilik soǵysqa qatysqan ardagerlerdiń týystary men Qorǵanys mınıstrliginiń ókilderi qatysty.

«Búgingi shara bolashaq urpaq úshin úlken patrıottyq mánge ıe bolyp tabylady. Áskerı-tarıhı murajaıynyń basshylyǵyna rızashylyǵymdy bildiremin. Beıbit ómir súrip jatqanymyzǵa zor úles qosqan qazaqstandyq batyrlarymyzdy eske alyp, qurmetteýimiz kerek», - dedi ardagerdiń uly polkovnık Qazez Tileýbaev.

Sońǵy jańalyqtar

Saqtansań – saý bolarsyń

Aımaqtar • Búgin, 23:00

Sırk - álem nazarynda

Qazaqstan • Búgin, 20:51

Qaraǵandy oblysynda kıik eti tárkilendi

Aımaqtar • Búgin, 16:48

Shekteýge túsken shekti álem

Álem • Búgin, 16:35

Uqsas jańalyqtar