Aımaqtar • 04 Qyrkúıek, 2020

Mal urlaǵan turǵyn qamaqqa alyndy

50 ret kórsetildi

Qyzylorda oblysy Syrdarııa aýdanynyń kezekshi bólimine N. Ilııasov aýylynyń turǵynynan 25 tamyz kúni qorasynan 1 bas jylqysyn urlanǵany týraly aryz kelip tústi, - dep habarlaıdy Egemen.kz.

Jedel-izdestirý sharalary barysynda polısııa qyzmetkerleri 38 jastaǵy oblys ortalyǵynyń turǵynyn ustady.

Osy faktige qatysty Qazaqstan Respýblıkasy Qylmystyq kodeksiniń 188/1-baby 3-bóligine sáıkes sotqa deıingi tergeý júrgizilýde. Qazir kúdikti qamaqqa alyndy.

– Mal urlyǵy qylmystarynyń tirkelýi byltyrǵy jylmen salystyrǵanda 37,4 paıyzǵa ıaǵnı 230-dan 144-ke tómendedi. Degenmen, mal urlyqtarynyń jasalýy áli de  azaımaı otyr. Oblys  boıynsha mal urlyǵymen aınalysqan jalpy 67 adamnan, onyń ishinde 13 qylmystyq top quryqtalyp, sol toptar jasaǵan 43 epızod quraıtyn qylmystary áshkerelendi.

Mal urlyǵynyń ósim alýynyń birden - bir sebebi azamattardyń maldyń joǵalǵany týraly kesh habarlaýy bolýda.

Mal ıeleri ózderiniń maldaryn joǵalǵanyn baıqasa da polısııaǵa habaryn bermeı, kómegine júginbeı óz betinshe izdeıdi, qylmys oryn alǵan sátten arada biraz ýaqyt ótip, urlanǵan mal men oǵan qatysty tulǵalardy izdestirýdi jeńildetetin mańyzdy aıǵaqtar men izder joǵalyp ketedi, – dedi oblystyq Polısııa departamentiniń bastyǵy Bektóre Sultan.

Sońǵy jańalyqtar

Uqsas jańalyqtar