1–30 qyrkúıek aralyǵynda birinshi synyp oqýshylary arasynda týberkýlezge qarsy revaksınasııa júrgiziledi.
Prosedýra balalardy oqytý nysanyna qaramastan, qashyqtyqtan nemese kúndizgi ýaqytta mektepterdiń egý kabınetterinde júrgiziledi.Mundaı tájirıbe karantındik sharalar engizilgenge deıin qoldanyldy. Almaty qalasy ákimdiginiń baspasóz qyzmetiniń málimeti boıynsha, 1 qyrkúıekke deıin ýchaskelik dárigerler Mantý synamasy boıynsha tekseriletin 1-synyp oqýshylarynyń tizimin jasady.4 qyrkúıekte ata-analar men balalardy mektepke mantý synamasyna jáne BSJ revaksınasııasyna shaqyra bastady.Árbir bilim berý mekemesinde 4-ten 8-ge deıin birinshi synyptar bolǵandyqtan, oqýshylar kóp jınalmas ýaqyt aralyqtary men fızıkalyq qashyqtyqty saqtaı otyryp, kestege sáıkes shaqyrylady.
«№11 Qalalyq emhana Jetisý aýdanynyń 6 mektebine qyzmet kórsetedi, olardyń árqaısysynda bizdiń áriptester tańǵy saǵat 9.00-den bastap jumys isteıdi. Barlyq synyptarda sabaq kestesi ártúrli bolǵandyqtan, sol sabaq kestesine baılanysty quryldy jáne oqýshylardyń basym kópshiligi qashyqtyqtan oqıdy. 6 mektep boıynsha 800-ge jýyq 1-synyp oqýshylaryn qamtýdy josparlap otyrmyz.
Bıyl ata-analar arasyndaǵy joǵary belsendilikti atap ótkimiz keledi. Koronavırýstyq ınfeksııa boıynsha epıdemıologııalyq jaǵdaıǵa baılanysty bas tartýdyń birneshe jaǵdaılary da kezdesti» – dep №11 Qalalyq emhananyń bas dárigerdiń emdeý-profılaktıkalyq jumystar jónindegi orynbasary Almash Ardabaeva pikir bildirdi.
Prosedýra ata-analardyń erikti túrde kelisim berilgennen keıin júzege asyrylady.
mantý synamasy men BSJ revaksınasııasy arasyndaǵy aralyq 3 kúnnen 14 kúnge deıin bolady. Týberkýlezge qarsy revaksınasııa naýqanyna jumys tájirıbesi bar bilikti mamandar tartylǵan. Mektepter men emhanalardyń medısına qyzmetkerleri Mantý synamasyn qoıý tehnıkasynyń erejeleri, týberkýlezge qarsy egýler júrgizý, ımmýndaýdan keıin qolaısyz kórinisterdiń damýy jaǵdaıynda shuǵyl kómek kórsetý ádisteri boıynsha aldyn ala daıyndyqtan ótti.
BSJ revaksınasııasyn júrgizý kezeńinde 1-synyp oqýshylaryna mektepterde basqa ekpeler júrgizý toqtatylady. Bıylǵy jyldyń 25 jeltoqsanyna deıin mantý synamasynyń teris nátıjesi kezinde BSJ revaksınasııasyn júrgize otyryp, kúmándi reaksııasy bar 1-synyp oqýshylarynyń mantý synamasy boıynsha qaıta (3 aıdan keıin) tekserýden ótedi.
