Almaty ákimi B.Saǵyntaev Prezıdent Joldaýyna sáıkes megapolısti damytýdyń taıaý aradaǵy basty baǵyttaryn atap óte kele densaýlyq salasyn modernızasııalaýǵa jáne pandemııamen kúreske, barlyq salany, onyń ishinde bilim berý júıesin keńinen sıfrlandyrýǵa jete nazar aýdarylatyn bolady, dep atap ótti.
«Qala oqýshylaryna qashyqtan bilim berýdiń jalpyqalalyq «Sfera» platformasy quryldy. Jańa sıfrlyq bilim kontenti ázirlendi, oqytýshylar tıisti daıarlyqtan ótti. Barlyq balalar, onyń ishinde az qamtylǵan otbasylardyń balalary úshin qajetti kólemde noýtbýkter men planshetter satyp alyndy», - dep habarlady B. Saǵyntaev.
Jastardyń boıynda ınnovasııanyń ashyqtyǵyn qalyptastyrýǵa erekshe nazar aýdarylýda. Sıfrlandyrýdyń 2025 jylǵa deıingi qoldanbaly strategııasy ázirlendi, qalanyń AT-keńesi quryldy. Stýdentter men oqýshylardyń AT-daryn pýly jasaqtaldy. Bulardan ózge, Joldaýdyń mindetterine sáıkes qala balalaryn sportpen, mádenıetpen jáne mektepten tys qosymsha bilim berýmen keńinen qamtý úshin barlyq jaǵdaılar jasalatyn bolady.
Qala ákimi óskeleń urpaqtyń boıynda durys rýhanı qundylyqtardy qalyptastyrýda jáne olardy tárbıeleýde shyǵarmashyl zııaly qaýym ókilderiniń mańyzdy ról atqaratynyn atap ótti.
Kezdesý barysynda ulttyń rýhanı jańǵyrýy týraly mádenıet pen ǵylymnyń tanymal qaıratkerleri Orazáli Sábden, Smaǵul Elýbaı, Murat Áýezov, Tóregeldi Sharmanov, Murat Jurynov, Rahman Alshanov, Sábıt Dosanov, Dýlat Isabekov, Aıagúl Tóreqyzy, Eskendir Hasanǵalıev, Nurǵalı Núsipjanov, Asanáli Áshimov, Aqan Bıjanov, Kenjehan Matyjanov, Ulyqbek Esdáýlet jáne t.b. ǵalymdar men ádebıet salasynyń ókilderi tushymdy usynystarymen bólisti.
