Jyl saıyn Qazaqstanda qyrkúıektiń ekinshi jeksenbisinde Otbasy kúni atalyp ótiledi. Merekeniń basty maqsaty - mádenı qundylyqtardy, dástúrler men rýhanııatty saqtaý, jas urpaqty otbasyna degen súıispenshilikke tárbıeleý, sonymen qatar áleýmettik máselelerdi sheshý jolyn izdestirý.
Bıyl Daǵdarys Ortalyǵynda Otbasy kúnine arnalǵan aptalyq 07-13 qyrkúıek aralyǵynda ótkiziledi. Apta boıy balalar analaryna, ápke-sińileri, aǵa-baýyrlaryna nemese ózge de otbasy múshelerinearnalǵan "Jaqynyńa qýanysh syıla" qolóner aksııasy ótedi. Sondaı-aq, "Meniń otbasymnyń qyzyǵýshylyǵy" kórmesi uıymdastyrylady. Onda sýretter, kıiz, tas, fetr jáne t.b. jasalǵan qolóner jumystary kórsetilip, otbasy tarıhyna baılanysty shyǵarma baıqaýy (qatysýshylar balalar men analar)da ótedi. Al sýret salý boıynsha "Zorlyq-zombylyqsyz úı" chellendji – ómirlik qıyn jaǵdaıǵa tap bolǵan balalar men analarǵa kómek kóresetetin ortalyqtarmen tórt bólimnen turatyn úıdiń biryńǵaı tujyrymdamasyn qurýǵa negizdeledi. Chellendjge Ana úıleri men áıelder men balalarǵa arnalǵan "Tın Chellendj" ońaltý ortalyqtary qatysady. Almaty qalasynyń Áýezov, Almaly, Bostandyq jáne Túrksib aýdandary polısııa bóliminiń áıelderdi zorlyq-zombylyqtan qorǵaý bólimsheleri ınspektorlarynyń jáne Daǵdarys Ortalyǵy qyzmetkerleriniń qatysýymen "Almaty – baqytty otbasylar mekeni" qaıyrymdylyq aksııasy da osy kúnderde ótetin bolady. Onda polısııa ınspektorlary balalarmen birge jasaǵan syılyqtardy jáne oqý jabdyqtaryn otbasylaryna tartý etpek.
Merekelik apta qyzmet alýshylar men polısııa ınspektorlarynyń qatysýymen ótetin "Meniń otbasym - meniń baılyǵym" oıyn-saýyq baǵdarlamasymen jalǵasyn tabatyn bolady. Bul kúnderde "Baqytty otbasy" kóp balaly otbasylar ortalyǵynda ashyq esik kúnderi josparlanyp otyr.
