Aımaqtar • 06 Qyrkúıek, 2020

Abaı atyndaǵy jańa meshit qarasha aıynda paıdalanýǵa beriledi

36 ret kórsetildi

Semeıde Abaı atyndaǵy jańa meshit osy kúzdiń sońyna sheıin paıdalanýǵa berilmek. Bul týraly qala ákimi Instagram paraqshasyna jazdy, dep habarlaıdy Egemen.kz.

Meshit qurylysy 2008 jyly bastalǵan bolatyn.

Degenmen ártúrli sebeptermen búginge deıin sozylyp keldi. Saqaldy qurylysqa jeke qarjysyn salyp, tolyǵymen aıaqtaýǵa Tastekeevter otbasyna tıesili jergilikti qurylys kompanııasy nıet bildirdi. Ǵımarattyń qurylysyna Túrkistan oblysy da kómek qolyn sozdy. Qazir olar meshittiń aınalasyn abattandyrýmen aınalysyp jatyr.

Joba boıynsha meshitte 3 myń adam bir ýaqytta namaz oqı alady. Ǵımarattyń ishinde dinı joralǵylardy ótkizýge arnalǵan keń bólmeler men qatymhana qarastyrylǵan. Meshitke aparatyn jaıaýlarǵa arnalǵan birneshe kópir jáne 500 kólik sııatyn avtoturaq salynady.

"Aınalma jol meshitti aınalyp ótedi. Keleshekte onyń janynan medrese de salynady" deıdi qurylys ýchaskesiniń bastyǵy Nurlan Júnisov. Qazirgi tańda jumystyń 85 paıyzy aıaqtalǵan. Jańa meshit qarasha aıynda paıdalanýǵa beriledi.

 

 

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar