Tizilimde lısenzıat lısenzııa alǵan kezde usynatyn barlyq derekter (attestattalǵan ınjenerlik-tehnıkalyq quram; materıaldyq-tehnıkalyq jaraqtandyrylýy; óndiristik baza, iske asyrylǵan obektileri, jumys tájirıbesi) kórsetiledi. Osy tizilim derekterdi qaıta tekserý jáne ózektendirý úshin basqa memlekettik organdardyń aqparattyq júıelerimen ıntegrasııalanady. Atalǵan sharalardy iske asyrý qurylys jáne jobalaý uıymdary qyzmetiniń ashyqtyǵyn arttyrýǵa múmkindik beredi. О́ıtkeni barlyq derekter ashyq, qoljetimdi bolady.
О́z kezeginde, bul sharalar Tehnıkalyq qadaǵalaý men tehnıkalyq tekserýdi júzege asyratyn zańdy tulǵalardy akkredıtteý jónindegi memlekettik qyzmet sııaqty tolyq avtomattandyrýmen qurylys salasynda lısenzııa berý rásimin barynsha ońtaılandyrady.
Byltyr mınıstrlik atalǵan memlekettik qyzmetti tolyǵymen avtomattandyrǵan edi. О́tinimder qaralyp, nátıjeleri 20 mınýt ishinde adam faktorynyń áserinsiz tolyqtaı kompıýtermen beriledi. Bul úshin Egov.kz úkimet portalymen yqpaldastyra otyryp tıisti tizilimder avtomattandyryldy.
Búgingi tańda mınıstrlik naqty sharalar men merzimderi kórsetilgen Jol kartasynyń jobasyn ázirlep, kelisý úshin tıisti organdarǵa jiberdi. Jol kartasy 2021 jyly iske asyrylady.
Premer-Mınıstriń 2019 jylǵy 27-28 qarashadaǵy hattamalyq tapsyrmasyn oryndaý boıynsha Indýstrııa jáne ınfraqurylymdyq damý mınıstrligi «Atameken» ulttyq kásipkerler palatasymen birlesip, zańnamada belgilengen tártippen Ádilet mınıstrligi, Ulttyq ekonomıka mınıstrligi, Qarjy mınıstrligi, Sıfrlyq damý, ınnovasııalar jáne aeroǵarysh ónerkásibi mınıstrligimen birge qolda bar memlekettik aqparattyq júıelermen ıntegrasııalanatyn, árbir lısenzıat boıynsha tolyq málimetterdi qamtıtyn jáne belsendi emes uıymdardy anyqtaýǵa múmkindik beretin qurylys salasyndaǵy lısenzıattardyń biryńǵaı elektrondyq tizilimin qurý máselesin qarastyrý tapsyrylǵan edi.
