Sonyń ishinde 700 myń adamnyń 2021 jyldan bastap ózderiniń zeınetaqy qorynda jınaǵan qarajatynyń bir bóligin jeke basynyń jaǵdaıyn jaqsartýǵa jumsaýyna ruqsat beriletini týraly aıtqany myńdaǵan adam men olardyń otbasyndaǵy jandardy bir qýantyp tastaǵanyn kórýge bolady. Osy kúnge deıin bul qarajattyń paıdaǵa aspaı qalýy múmkin dep oılap, sary ýaıymǵa salynyp júrgender bir serpilip qaldy.
Sonymen birge Prezıdent zań ústemdiginiń ornaýyna aıryqsha nazar aýdardy. «Zań ústemdigi ornyqpasa jáne azamattardyń qaýipsizdigine kepildik berilmese, áleýmettik-ekonomıkalyq damýdyń birde-bir mindeti tabysty júzege asyrylmaıdy», dep atap kórsetti ol.
Prezıdent qazirgi memlekettik organdar qyzmetkerleriniń azamattardyń máselelerin tyńdap, kórýmen ǵana shekteletinine nazar aýdardy. Joldaýda osy máselege nazar aýdaryldy.
«Halyq únine qulaq asatyn memleket» – bul, shyn mánisinde, «ádiletti memleket» qurý tujyrymdamasy. Azamattardyń máselelerin tyńdap, kórip qana qoıý jetkiliksiz. Eń bastysy – durys jáne ádil sheshim shyǵarý qajet, dedi Prezıdent. Osyǵan baılanysty memlekettiń jańa standarttaryn jasaýdyń qajettiligin atap ótti. Al ony jasaıtyn quqyq qorǵaý jáne sot júıelerine negizgi zor mindet júkteledi. Sondyqtan osy salalarǵa reforma qajettigin aıtty Prezıdent. Osy jáne basqa da máseleler ábden tolǵaǵy jetken dúnıeler ekeni daýsyz.
Sáýle SÚLEIMENOVA,
«Soltústik Qazaqstannyń Azamattyq alıansy» ZTB tóraǵasy
Soltústik Qazaqstan oblysy
