Osy oraıda Prezıdentke tikeleı baǵynatyn básekelestikti qorǵaý jáne damytý agenttigin qurý naryqta ádil básekelestikti qalyptastyrý jolyndaǵy mańyzdy qadam. Aralyq operatorlar prosesterdiń bıýrokratııalanýyn kúsheıtedi jáne ekonomıkany memleket ıeliginen shyǵarýǵa kedergi keltiredi. Jeke kásipkerlik naryq úshin ádil kúreste salalardy damytý boıynsha jańa tıimdi ıdeıalardy qalyptastyrýǵa yqpal etedi. Strategııalyq nysandardy qospaǵanda, ekonomıka naryqtyq jaǵdaıda jemisti jumys isteıdi.
Memleket basshysy jarııalaǵan mańyzdy reformalardyń biri – halyqqa kásipkerlik daǵdylaryn úıretý. Oqýshylar men stýdentterge praktıkalyq bilim berý jaqyn jáne alys bolashaqta kásipkerler sanynyń artýyna, jeke sektordyń keńeıýine yqpal etedi. Bul bastama fırmalar sanynyń ósýi, ádil básekelestikti qalyptastyrý jáne jumyspen qamtýdy qamtamasyz etý úshin paıdaly.
Qazirgi jaǵdaıda uzaq merzimdi basymdyqtar týraly umytpaý kerek. EYDU-men yntymaqtastyq sheńberinde Úkimetke «jasyl» ekonomıkany damytý sharalary usynyldy. Qorshaǵan ortany qorǵaý ulttyq deńgeıde qoldaýdy talap etedi. Al tıisti sharalardy qabyldaýǵa saıası erik-jiger kerek. Memleket basshysynyń Joldaýynda tereń dekarbonızasııa, ıaǵnı ekonomıkadaǵy kómirsýtegi bólýdi azaıtý qajettigi aıtyldy. Bıznes pen akademııany tartý osy máseleni tereń jáne keshendi zerdeleýge, sondaı-aq túrli taraptardyń múddelerin eskere otyryp, ekologııalyq qaýipsizdikti qamtamasyz etý jónindegi tıisti is-sharalardy ázirleýge yqpal etedi.
Aıtkúl OMAROVA,
Áleýmettik qyzmet kórsetý boıynsha derbes sarapshy
