Aımaqtar • 07 Qyrkúıek, 2020

Pavlodar oblysynda jol apaty bolyp, bir adam qaıtys boldy

6 ret kórsetildi

Demalys kúnderi Pavlodar oblysynda birneshe jol apaty boldy. Zardap shekkenderdiń arasynda balalar da bar, dep habarlaıdy Egemen.kz Pavlodarnews.kz saıtyna silteme jasap.

Oblystyq densaýlyq saqtaý basqarmasy baspasóz qyzmetiniń habarlaýynsha, Ekibastuzdan alty shaqyrym jerde Gornıak aýyly baǵytyndaǵy tasjolda avtokólik 1988 jyly týǵan áıeldi qaǵyp ketken.

"О́kinishke qaraı, jedel járdem kelgenge deıin áıel adamnyń bıologııalyq ólimi anyqtaldy", - delingen habarlamada.

Pavlodarda Abaı men Tolstoı kósheleriniń qıylysynda jol apatynan 2015 jáne 2019 jyly týǵan eki bala zardap shekti. Bir jasar qyz balanyń denesiniń oń jaǵynda jaraqattar bar, al bes jasar balanyń sol tizesi jaraqattanǵan. Olar oblystyq balalar aýrýhanasyna jetkizildi. Sondaı-aq apat kezinde 1973 jyly týǵan áıel adam oń jaq bilek býynynyń jabyq synýy men jumsaq tinderdiń jaraqatyn alǵan. Ol №1 qalalyq aýrýhanada jatyr. 

Pavlodarda jol apatynan taǵy eki jasóspirim jaraqat aldy. Senbi kúni túnde jolaýshylar kóligi baǵanǵa soǵylyp, aýdarylyp qaldy. 1969 jyly týǵan áıel adam bas jaraqattaryn alyp, mıy shaıqalǵan. Ol №1 qalalyq aýrýhanaǵa jetkizildi. 13 jáne 16 jastaǵy eki jasóspirim shoshynyp qalǵan jáne jeńil jaraqattar alǵan.

Sonymen qatar, senbi kúni qala mańyndaǵy Pavlodar aýylynda úshinshi kireberis jolda avtokólik aýdarylyp, 3 adam zardap shekti. Bas jaraqatyn alǵan 1982 jyly týǵan áıel №1 qalalyq aýrýhanaǵa jetkizildi. Jabyq bas súıek-mı zaqymdaryn alǵan 1956 jyly týǵan áıel men 1959 jyly týǵan er adam aýrýhanaǵa barýdan bas tartqan. 

Sońǵy jańalyqtar

Qazaqstanda dollar qymbattady

Ekonomıka • Keshe

Uqsas jańalyqtar