Qoǵam • 07 Qyrkúıek, 2020

Qyzylordada erekshe balalarǵa arnalǵan ortalyqta 30 bala tegin kómek aldy

29 ret kórsetildi

Qyzylordada mentaldyq buzylystary, psıhologııalyq jáne sóıleý daǵdylarynyń damýynyń tejelýi jáne aýtızm spektriniń buzylýy bar balalarǵa kómek kórsetýge baǵyttalǵan Aýtızm men sóıleýdi túzetý ortalyǵy jumys isteıdi. Búginde ortalyq aı saıyn 46-dan astam "erekshe" balany qabyldaıdy, dep habarlaıdy Egemen.kz.

Ortalyqtyń belsendi jumysynyń 11 aıynda benefısıarlardyń 80%-dan astamynyń oqýynda, sóıleýi men minez-qulyǵynda, qoǵamǵa beıimdelýinde, mektepke daıyndyǵynda jáne basqa da kórsetkishterde oń dınamıka baıqalady.

Bir jyl buryn Aýtızm men sóıleýdi túzetý ortalyǵy tek qaǵazǵa jazylǵan joba boldy degenge sený qıyn. Biraq jigerliliktiń, úzdiksiz jumystyń jáne erekshe qajettilikteri bar balalardy ońaltýǵa kómektesetin naqty mekeme qurýǵa degen umtylystyń arqasynda ortalyq ashylyp qana qoımaı, aımaqtaǵy eń úzdikterdiń birine aınaldy. Munyń bári jeke oqıǵadan bastaldy. Rozalııa Rahımova – "Rozalııa jáne Emır" Jeke qorynyń basshysy, aýtızm men sóıleýdi túzetý ortalyǵynyń dırektory. Ol birneshe jyl buryn "aýtızm" dıagnozy qoıylǵan "erekshe" sábı Emırdiń anasy.

Kez-kelgen ana sııaqty, Rozalııa Rahımova ulyna eń jaqsy mamandardy, eń jaqsy ońaltýdy, eń jaqsy bilimdi bergisi keldi. Osynyń bárin izdeýde ol búkil Qazaqstandy, tipti Reseıdiń keıbir ortalyqtaryn aralap shyqty.

"Biz óz jolymyzda kezek kútý, qyzmetterdiń joǵary quny, uzaq qashyqtyq syndy túrli problemalarǵa tap boldyq. Sol kezde Qyzylordada osyndaı ortalyq ashý, ony balalar men olardyń ata-analaryna qoljetimdi etý, jaqsy mamandar jınaý ıdeıasy paıda boldy", - deıdi Rozalııa Rahımova.

Budan soń, ol ıdeıasyn júzege asyrýǵa umtyldy. 3 jyl ishinde osy sala boıynsha bilim alyp, basqa ortalyqtarmen seriktestik baılanys ornatyp, biliktiligin arttyrdy. Rozalııa Rahımova úshin sońǵy serpin "Samruk-Kazyna Trust" Áleýmettik jobalardy damytý qorynan "Áreket" áleýmettik kásipkerlik boıynsha granttar baıqaýyna qatysý jáne jeńiske jetý boldy.

"Biz úshin bul jańa bilim alý turǵysynan úlken tájirıbe boldy. Biz áleýmettik kásipkerlikti egjeı-tegjeıli zerttedik, ár joly qyzyqty dúnıelerdi bilip, kúndiz-túni oqydyq dep aıtýǵa bolady. Sonymen qatar, biz marketıng jáne PR, qarjy, prezentasııa jáne t.b. boıynsha sheberlik sabaqtaryn óttik. Oqý sońynda biz óz jobamyzdy qorǵadyq, jeńimpazdardyń biri boldyq jáne osy isti damytýǵa grant jeńip aldyq", - deıdi Rozalııa.

Qyzylorda oblysynda Rozalııa Rahımovanyń jobasy alǵashqylardyń biri bolyp áleýmettik kásipkerlik formatyn ASB, epılepsııaǵa uqsas dıagnozdary bar balalardyń áleýmettik máselesin sheshý úshin qoldandy. 2 aıdan keıin aýtızm men sóıleýdi túzetý ortalyǵy áleýmettik máseleni sheshýge jáne KEU-nyń syrtqy qarjylandyrýǵa táýeldiligin tómendetýge kómektesetin ózin-ózi tolyq qamtamasyz etýge kóshti.

"Áleýmettik kásipkerlik Qazaqstan úshin jańa qubylys, biraq qıyndyqtarǵa qaramastan, biz memleket pen donorlyq uıymdardyń qazirdiń ózinde kásipkerliktiń osy túrin damytýǵa úlken qyzyǵýshylyq tanytqanyn kórip otyrmyz", - deıdi ortalyq basshysy.

Ortalyqta logopedter, defektologtar, psıhologtar, EDSh-mamandar, AVA-terapevter jumys isteıdi. Ortalyqtyń pedagogıkalyq qyzmetkerleri olardy kúndelikti ómirge daıyndaý úshin balalarmen túzetý, damytý, oqytý jumystaryn júrgizedi. Sabaqtar barlyq qajetti dıdaktıkalyq, pedagogıkalyq jáne sporttyq qural-jabdyqtary bar birneshe oqý kabınetterinde ótedi. Munda bir jyl ishinde jalpy sany 30 bala tegin kómek aldy.

Aıta ketý kerek, ortalyq balalarǵa qyzmet kórsetýden basqa, ata-analarmen de jumys isteıdi. Mundaı kómek Qyzylorda oblysyndaǵy "erekshe" balalardyń ata-analaryna buryn sońdy berilmegen. Balalardyń ata-analary úshin ortalyq bir-birimen qarym-qatynas jasaý jáne tájirıbe almasý alańyna jáne emosıonaldy qoldaý ornyna aınaldy.

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar