Atyraýda naýqastar azaıdy, alaıda...

Osyǵan oraı salalyq basqarma óńirdegi ahýaldy nazarda ustap otyr. О́ıtkeni basqarma basshysy Nurlybek Qabdyqaparovtyń aıtýynsha, osy kezge deıin aýyrǵan naýqastardy ońaltý sharalaryn júrgizýdiń mańyzy zor. Sol sebepten, jumys isteı bastaǵan ońaltý ortalyqtarynda naýqastarǵa fızıoterapııa, massaj, tynys alý gımnastıkasy sekildi em sharalary júrgizilýde.

– Ońaltý ortalyǵy – Atyraý oblysy ákimdiginiń qoldaýymen júzege asyp jatqan joba. Onda qala aýmaǵymen qosa aýdan jurt­shylyǵyna da qyzmet kórsetiledi. Deneshynyqtyrý-sport zaldaryna em-domǵa qajetti jabdyqtar ákelindi. Joba maqsaty – koronavırýs ınfeksııasy men pnevmonııa aýrýyna shaldyqqan naýqastardy ońaltý. Búginde Atyraýda 5 myńǵa jýyq naýqas ońaltý emdeý sharasyn qajet etedi. Bul málimet alǵa qaraı ózgerip turady. Turǵyndar jergilikti emhana dárigerleriniń joldamasy arqyly ortalyqtyń qyzmetine aqysyz negizde júgine alady. Ońaltý ortalyǵynda reabılıtolog, psıholog mamandarymen qosa medbıkeler, kásibı sport­tyq jattyq­tyrýshylar qyzmet kór­setedi, – deıdi oblystyq densaý­lyq saqtaý basqarmasynyń basshysy.

Ortalyqqa kelýdiń ózindik tártibi bar. Máselen, №3 Atyraý qalalyq emhanasynyń bas dárigeri Aıman О́tegenova naýqas syr­qaty­nyń kúrdeliligine qaraı jat­tyǵý­lardyń maman keńesimen taǵa­ıyn­dalatynyn aıtady. Sebebi ınfeksııalyq aýrýlardan keıin aǵza qalpyna kelýi úshin biraz ýaqyt kerek. Sonyń ishin­de koronavırýs ınfeksııasyn juq­tyrǵan sozylmaly aýrýy bar naý­qas­tardyń em-domy ózindik tártip­pen júrgiziledi. О́ıtkeni keıbir jattyǵýlardyń naýqas aǵzasyna keri áseri eskeriledi.

– Stasıonarlyq emdelý aıaqtal­ǵannan keıin saýyqqan adamdar orta­lyqta ońaltý sharasynan ótýi qajet. Birinshiden, ınfeksııa­dan qabynǵan ókpeni dári-dár­mek­siz qalpyna keltirý úshin ty­nys alý jattyǵýlary ótedi. Ja­t­­­ty­ǵýlar salqyn túskenge deıin ashyq alańqaılarda jasalady. Keıin­nen sport zaldarynyń ishin­de júrgiziledi. Ekinshiden, aǵza ońalýy úshin kem degende 7-14 kún­dik keshendi em alýy kerek, – deıdi №3 Atyraý qalalyq emha­nasynyń bas dárigeri.

Qazir Atyraý qalasynda 6 dene shy­nyqtyrý jáne sport zal­dary­nyń árqaısysynda jeke sport nusqaýshysy bar. Olar dárigerlermen kelisilgen jatty­ǵý­lardy júrgizedi.

– Bir topta 15 adamǵa deıin jattyǵady. Ońaltý jattyǵýynyń ýaqyty – 15-20 mınýt. Sport zal­daryna yńǵaıly sporttyq kıim­derimen keledi, – deıdi qala­lyq buqaralyq sportty damytý klýby­nyń dırektory Almas Imashev.

Sondaı-aq qaýipti indetke shal­dyqqandardy emdegen medısına qyzmetkerlerine ústememaqy tóleý júrgizilip jatyr. Oblystyq densaýlyq saqtaý basqarmasynyń basshysy N.Qabdyqaparovtyń málimetinshe, medısına qyz­met­kerlerine ústemeaqy ártúrli kó­lem­­de eseptelgen.

– Memleket basshysynyń tap­syr­masyna oraı berilip jatqan bul qarjylaı yntalandyrý kómegi me­dı­sına salasynyń mamandaryna úl­ken qoldaý boldy. Densaýlyq saq­taý mınıstrliginiń buıryǵyna sáıkes, tek ótken aıda 2082 medısı­na qyzmetkerine 800 mln teńgeden as­tam somaǵa ústemeaqy tólendi. So­nyń ishinde dárigerlerge 850 myń teńge, orta býyn medısına qyz­metkerlerine 450 myń teńge, kishi býyn sala mamandaryna 250 myń teńgeden naýryz aıynan bastap aı saıyn ústemeaqyny tóleý júzege asyryldy, – dedi N.Qabdyqaparov.

Qaýipti indet indegen tusta tórt aı úıine barmaǵan meıirbıkeniń biri – Aqqanym Sadyǵulova №2 ob­lystyq ınfeksııalyq aýrý­hana­nyń jansaqtaý bóliminde jumys isteıdi. О́zi de koronavırýs ınfeksııasyn juqtyryp, qaýipti sátti bastan keshti.

– Shynymdy aıtsam, bastap­qyda qatty ýaıymdadym. О́zime de, otbasyma da qıyn boldy. Biraq bul – ózim tańdaǵan mamandyǵym. Sondyqtan bárine daıyn bolý qajettigin túsindim. Onyń ústine el aldymen medısına mamandaryna úmit artyp otyr. Kórer jaryǵym bar eken. Aýrýhanadaǵy áriptesterimniń kómegimen indetten emdelip shyqtym. Keıin ózim oqshaýlanyp, karantınde boldym, – dep qınalǵan sátin eske aldy ol. Qaýipti indetten tolyq aıyqqannan keıin tamyzda jumysqa qaıta qosyldy. Jaqynda oǵan 2 mln teń­ge kóleminde ótemaqy tólendi.

– Buǵan qosa jalaqymyzǵa aı saıyn 850 myń teńge ústemeaqy tólenip otyr. Másele qarjyǵa tire­lip turǵan joq. Medısına ma­mandarynyń óz isine adaldy­ǵynyń nátıjesinde koronavırýs ınfeksııasyn juqtyrǵandar emdelip shyqty. Degenmen ár turǵyn jaqy­nyna janashyr bolyp, shekteý shara­laryn qatań saqtasa ǵana bul indetti birge jeńemiz, – deıdi meıir­bıke A.Sadyǵulova.

Atyraý oblysy